July 15, 2024 (Thawhṭanni) zan khan BCM Biak In, Ramhlun South ah Rev. F. Zorinkhuma, Secretary MṬKP in Aizawl Area ṬKP Meet 2024 Logo a tlangzarh.
Logo tlangzarh Inkhawm hi Rbt. R. Laldinpuia, Asst.Secretary AAṬKP in a kaihruai a, MTKP Secreatry-in tlangzarhna a neih hnu-ah Tv C. Lalbiakkima, Secretary, Aizawl Area TKP hnen aṭangin Aizawl Area ṬKP hmalakna hrang hrang leh Area TKP Meet 2024 inbuatsaihna report te ngaihthlak a ni a. Area ṬKP Meet atan hian Organising Committee din a nih thu leh chak taka hma lak mek a nih thu te, Meet pualin Sub-Committee pasarih dinin ruahmanna hrang hrang siamin bawhzui mek a nih thu te, Area ṬKP Meet sum tuakna atan Aizawl Area huam chhungah Unit tin ten sumtuak fehchhuahna an neih mek thu te a tarlang. Pu Lalhmunsiama Pautu Chairman Aizawl Area TKP-in Thuchah leh fuihna thu a sawi bawk.
Logo tlangzarh Inkhawmah hian MTKP Secretary Rev. F. Zorinkhuma leh Executive Committee Member Rbt. Joseph B.Zirsangzuala te, Area TKP hruaitute, Aizawl chhung Bial ṬKP hruaitute leh Unit hruaitute kalkhawmin, Aizawl Area Baptist Choir leh Ramhlun Pastor Bial Zaipawl ten fakna hla remin, Tv Thawhlehniropuia leh Nl Angaihitei Hnialum ten zaia rawngbawlna an nei bawk. He hunah hian ṬKP member 230 vel inkhawmin hun tha tak hman a ni.
Aizawl Area ṬKP Meet 2024 hi October ni 25-27, 20254m khian neih tum a ni a, Meet thupuiah “Thalai Hmantlak” tih a ni ang. Hemi atan hian Inbuatsaihna hrang hrang kalpui mek a ni.
