July 13-14, 2024 hmang khan Ṭhalai Kristian Pawl (ṬKP), Aizawl East Pastor Bial Intawhkhawm, BCM Biak In, Electric Vengah neih a ni a, Thupuiah, "I vanglai hian i Siamtu hre reng rawh," Thuhriltu 12:1 chu hman niin, Speaker atan Rev. F. Zorinkhuma, Secretary, MṬKP chu hman a ni. MTKP executive Committee Member Rbt Joseph B. Zirsangzuala Resource person-ah hman a ni a, Besy Choir leh Aizawl Area Baptist Choir ten zaia rawngbawlin an tawiawm bawk. Anni bakah hian bial pawn aṭangin TKP hruaitute leh member engemawzatin an ṭawiawm bawk.
Inrinni zanah Intawhkhawm hi ṭanin, Rbt. Lalzarzova, Vice President-in inkhawm a kaihruai a, Upa C. Lalzarmawia hovin Praise & Worship hun nuam leh hlawk tak hman a ni a, Pathianni zing leh Pathianni zanah te Pathian Biak Inkhawm neiin, Inkhawm apiangin Bial Zaipawl ten Zai hruaiin, zaihona hlimawm tak neih thin a ni a, Speaker thuchah leh Zaipawl hrang hrang leh Mimal zaithiam te rawngbawlna ngaithlak thin a ni bawk. Pathianni chawhnu-ah Fellowship neiin, Tv. Lalmuanpuia Sailo leh Nl. C. Lalhruaitluangi ten Fellowship an kaihruai a, Rbt. Joseph B. Zirsangzuala, ECM, MṬKP hnen aṭangin 'Kristian Chhungkaw din chungchang' zirtirna ngaihthlak a ni a, Unit hrang hang atangin chanvo tha tak tak ngaihthlak leh thir ho a ni bawk.
Aizawl East pastor Bial-ah hian TKP Unit – 6 - Armed Veng South, Bethani, Chanmari, Electric, Ramthar North leh Saron Unit te an awm a, Bial pumah TKP member 907 vel an awm mek a ni.
