BWA Congress, tuna Brisbane Australia a neih mekah July 11, 2025 Zirtawpni khan Asia Pacific Baptist Federation term thar hruaitu thar turte puanzarna leh hlanna hun hman a ni a. APBF Chairman thar hi AK Lama (India) a ni a. Asia Pacific Baptist Youth (APBY) Chairman thar atan Upa Jacob Vanlaltana Khiangte s/o Lalthazuala Khiangte (L) Sethlun, Lunglei, (Vengthar, Kolasib a lawi mek) chu thlan a ni. Mizo zinga he dinhmun luah hmasaber tur hi a ni.
Upa Jacob VanlalΕ£ana Khiangte hi tunah hian Asia Pacific Baptist Youth (APBY) ah hian Vice President ni lai mek a ni a. APBY Chairma-a nihna vang hian APBF ah Executive Committee member a ni nghal dawn a ni. A term hi APBF Congress 2027 thleng a ni ang.
BWA leh APBF te hian tunhmaa President tia an koh thin hi kumin atangin "Chairman" tiin a hming an thlak a, he term hi an hmang Ε£an ta a ni.
BWA Congress hi tunkar chhung neih tur a ni a. BCM atangin GS leh President bakah kohhran member 4 te he hun hmang tur hian an kal a ni.
