Asia Baptist Youth (APBY) Conference neih a ni dawn

By Communications Dept.BCM

 

May 29 - June 1, 2024 hian kum nga dana neih thin - Asia Pacific Baptist Youth (APBY) Conference vawi 18-na chu Melaka, Malaysia -ah neih a ni dawn a. Asia ram hrang hrang atangin Palai leh chhimtu an kal khawm dawn a ni.

Conference hming-ah hian APBY “Be” Conference 2024 tih niin, thupui hi Kolossa 3:16 thu tlawh chhanin, “Krista-a rinna nghet taka vuan tur te, khawvela Krista chanchin Tha chhi eng zel tur te, Krista hnungzui tu dik tak ni tur te, Pathian min pek kan talent te hmanga Pathian rawngbawl tur te, Kan Ringtu pui te leh rawngbawlpui te nena thawhhona leh inpawhna tha zawk siam turin tih te a ni a. Heng then hrang hrang khaikmawm hian "Be' tih hi Conference hmingah hian telh a ni. 

He Conference-ah hian MTKP atangin mi 22 -  MTKP hruaitu te –  Upa R. Lalrochama, President, Pu K. Lalawmpuia(Asst.Secrtetary), Rbt H. Lalruatkima (Fin.Secretary) leh, Upa Pc Vanlalrova, Senior Adviser te bakah MTKP Executive Committee member atangin mi 8 leh TKP Member 10  te MTKP hmingin an kal ang a, Hnahthial Pastor Bial pathum inzawmkhawm member 18 te chu BCM Zaipawl hmingin tirh an ni bawk. MTKP Team te hi May 27 (Thawhtanni) hian Lunglei  atanga chhuakin Malaysia hi an pan tawh dawn a ni.

MTKP aiawh-a kalte hian chanvo hrang hrang hetiang hian an nei dawn a – Nl. Esther Sailo leh Nl. Zirsangpuii te chu Workshop hran ve ve-ah resource person niin, Nl R. Lalthansangi chu Worship Team member-ah telin, Tv Jacob Khiangte, APBY Vice President ni lai mêk chu  Resource person pakhat niin "Youth Identity in Diaspora Community" tih thupui hmangin Workshop-ah hun a hmang bawk ang. BCM Choir te hian hla remna hun vawi hnih bakah cultural programme-ah Mizo hnam lam leh zai an entir bawk dawn a ni.

 

Mi Ngo hnuhnung Film tlangzarh a ni ta

Mi Ngo hnuhnung Film tlangzarh a ni ta

Kum 2019 Mizoram Baptist Kohhran rorelna sang ber BCM Assembly Vawi 123-na BCM Biak In Venglaia a neih chuan, “Mizorama Chanchin tha lo thlen dan documentary film buatsaih ni se, Communications Department in lo bawhzui se” ti a a rel ang in, kum 2019 May ni 13-ah Communications Department Committee chuan rel zuiin a tihhlawhtlin dan tur ngaihtuah nghal a ni. Kum 2020 July thla khan ‘Documentary Sub-Committee’ din nghalin, ruahmanna hrang hrang te siam ani a, Communications Department Committee ah thlirho leh niin, hmalak chhoh a nih dawn lai takin kan ramah hripui covid-19 hrileng avangin engmah tih theih leh hmalak theih loh in a awm ta a ni. …

KNP Winter Camp neih a ni.

KNP Winter Camp neih a ni.

Fellowship Department – in Planning-a an dah leh ruahmanna an siam angin, BCM-a Area hrang hrang – Aizawl, lawngtlai leh Headquarters Area-ah te Winter Camp neih a ni a, Headquarters Area-ah January ni 6 leh ni 7 (Thawhtan leh Thawhlehni) khan KNP Winter camp chu HATIM kawmzawlah neih a ni.. Thawhtan zan leh Thawhleh zan riakin January 8,2025 (Nilaini) khan an chhuak a. He Winter Camp hi Lunglei khawpui chhunga KNP Unit-te tana buatsaih a nih angin, unit 21 atangin member 180 chuang an tel thei a ni. …

Missionary day hman a ni

Missionary day hman a ni

January 11, 2025 hi Mizoram-a Missionary hmasa ber lo thlen champha phak vawi 131-na “Missionary day’ a ni a. Kumin Missionary Day thupui atan hian “ Lalpan thilropui takte min tihsaka, Sam 126:3” tih thu hman a ni. He ni hi rampumah hman a nih theh nan Mizoram sawrkar chuan sawrkar chawlh (State Holiday) atan a puang thin a, Kuminah pawh sawrkar chawlh-ah puangin kohhran hrang hrang ten awmni khamin ruai nen hun an hmang a ni. …