May 29 - June 1, 2024 hmang khan Melaka, Malaysia -ah kum nga dana neih thin - Asia Pacific Baptist Youth (APBY) Conference vawi 18-na chu tluang takin neih a ni a. Asia ram hrang hrang atangin Palai leh chhimtu an kal khawm tha hle. Conference hming-ah hian "APBY 'Be' Conference 2024" tih niin, Thupui hi Kolossa 3:16 thu tlawh chhanin, “Krista-a rinna nghet taka vuan tur leh khawvel-a chhi eng tur te, Krista hnungzuitu dik tak ni tur te, Pathian min pek kan talent te hmanga zau zawka Pathian rawngbawl tur te, Ringtu pui te leh rawngbawlpui te nena thawhhona leh inpawhna tha zawk siam te a ni.  Heng thupui then hrang hrang hmang hian thuchah ngaihthlak thin a ni a, Seminar leh Workshop-ah te thupui then hrang hrang zirhona neih thin a ni bawk.

Inkhawm apiangin hun hmasa lam darkar chanve chhung Praise & Worship  neih thin a ni a, Inkhawm a nuam thei hle. Soeaker te hnen atangin thuchah ngaihnawm leh tha tak tak ngaihthlak a nih bakah ram hrang hrang atanga Special Item leh Zaipawl te, lamthiam leh rimawi tum thiam ten Pathian fakna neiin hun an hmang bawk, Inkhawm leh Worskhop programme bakah hian Cultural programme buatsaih a ni a, hetah hian mahni hnam thuam inbelin Cultural item hmuhnawm tak tak enho a ni bawk,

MTKP aiawh-a kalte hian chanvo hrang hrang hetiang hian an nei – Tv Jacob Khiangte, APBY Vice President  te, Nl. Esther Sailo leh Nl. Zirsangpuii te chu Workshop-ah resource person niin, tha takin hun an hmang thei a, Nl R. Lalthansangi chu Worship Team member-ah a telin Inkhawmpui chung zawngin Praise & Worship kaihruaitu zingah telin a thawhhlawk hle bawk. 

Hnahthial Pastor Bial pathum inzawmkhawm member 18 te chu BCM Zaipawl hminga tirh niin, hla remna hun vawi hnih bakah cultural programme-ah Mizo hnam lam leh zai an entir bawk. 

He Conference-ah hian MTKP atangin mi 22 -  MTKP hruaitu te –  Upa R. Lalrochama, President, Pu K. Lalawmpuia(Asst.Secrtetary), Rbt H. Lalruatkima (Fin.Secretary) leh, Upa Pc Vanlalrova, Senior Adviser te bakah MTKP Executive Committee member atangin mi 8 leh TKP Member 10 leh Zaipawl member 18 an han tel a. Anni bakah hian mahni intum chawp leh inbuaipui-in BCM Headquarters Office a thawktu te mi 4 an kal bawk.

 

 

Rev. J. Lalduhawma Lehkhbu ziak  'Cambodia' tlangzarh a ni.

Rev. J. Lalduhawma Lehkhbu ziak 'Cambodia' tlangzarh a ni.

July 19,2024 (Zirtawpni)khan BCM Hall, Headquarters Office, Serkawn-ah Cambodia-a BCM Missionary thawk lai - Rev. J. Lalduhawma lehkhabu ziak ‘Cambodia’ tih chu Rev. R. Lalbiakliana, General Secretary-in a tlangzarh. …

Zotlang Bial BKHP-in 'Pathian Tih – Chhuan Thar Din’ tih thupui hmangin Seminar an nei.

Zotlang Bial BKHP-in 'Pathian Tih – Chhuan Thar Din’ tih thupui hmangin Seminar an nei.

BKHP Zotlang Pastor Bial, Aizawl chuan Bial chhunga BKHP Unit hrang hrang te huapin July 17, 2024 (Nilaini) khan 'Pathian \ih – Chhuan Thar Din’ tih thupui hmangin Seminar an nei a. Resource Person-ah NexGen Organisation te an hmang. …

HATIM-in ‘Freshers Day’ an hmang

HATIM-in ‘Freshers Day’ an hmang

Higher and Technical Institute, Mizoram (HATIM) chuan HATIM Students Council (HSC) huaihawtin, kumin a zirlai tharte lawmna ‘Fresher’s Day’ chu Ni 15 July, 2024 (Thawhtanni) khan College Auditorium ah an hmang. …