April 22 - 25, 2025 (Thawhlehni atanga Zirtawpni) chhung khan Headquarters Area, Lawngtlai Area leh Aizawl Area-a BCM Financial Account (2024-2025) Internal Audit neih a ni.
Headquarters Area Audit hna hi Sap Upa leh Pu Buanga Hall, Headquarters Office Serkawn-ah April 22, 2025 Thawhlehni chawhma dar 10:30 khan Assembly-in Internal Auditors atana a ruat te’n Head of Department te, Head of Institutions te leh an Account enkawltute ko khawmin Audit Entry Meeting an neih pui.
He hun hi Finance Director, Pu H. Lalhuzauva’n a kaihruai a. Rev. Dr. H. Lalthlamuana General Secretary in Pathian hnena inkawltirna a neih zawhin, Account enkawltute leh Auditors te hnenah lawmthu sawiin, dik tak leh tha taka sum vawn a nih theih nan theih tawp chhuah zel turin a fuih. Hemi zawh hian Auditor Convener Upa Lalrinliana Poonte BCM Zotlang leh Upa F. Lalrinmawia BCM Chanmari Vengthlang te hnen atangin, Accounts Audit chung changa hriattur pawimawh leh tul hrang hrang te ngaihthlak a nih hnu-ah Rev. Israel Lalremtluanga’n tawngtaina in audit entry meeting hi a khar a, Accounts audit hna thawh zui nghal a ni.
Aizawl Area hnuaia Accounts Audit hna pawh April 22, 2025 (Thawhlehni) atang vek khan Baptist Centre, Falkland Aizawl-ah neih tan a ni a. Area huam chhunga Institution leh Mission Station te - BES Zawlnuam, BCM Comprehensive High School Damparengpui, Bru Baptist Church Office Damparengpui, Baptist Mission School Marpara, AICS leh Executive Secretary Office Aizawl te an ni. Aizawl Area tana Assembly-in auditor a ruattte chu: Upa F. Hranglawma (Convener) Bawngkawn, Upa Lalmuansanga Hnamte, Zemabawk, Upa V. Lalhranga Ramhlun North leh Upa C. Lalthanpuia Zemabawk te an ni.
Lawngtlai Area-ah pawh April 22, 2025 (Thawhlehni) aṭang bawk khan Baptist House, Lawngtlai-ah audit hi neiin, Executive Secretary Office, JH Lorrain Hall, Designated Fund Account, Baptist Counselling Centre, Bus Account leh heng School te – Baptist Mission School, Longpuighat Betbonya, Baptist Mission School, Hruitezawl, Baptist Mission School, Ngengpuitlang, Hermon Comprehensive High School, Nghalimlui, Nazareth Comprehensive High School, Vaṭhuampui Account te audit a ni bawk. Lawngtlai Area atâna Assembly-in auditor a ruatte chu: Upa Thangchhunga Fanai (Convener) Electric Veng, Upa HC. Kawngkharmawia Nazareth leh Upa H. Thangrivunga Bethani te an ni.
Tun tumah hian Headquarters-a Department hrang hrang leh Institution hrang hrang te, Mizoram chhunga Mission Station leh School accounts te, Aizawl Area leh Lawngtlai Area Executive Secretary Office accounts te audit a ni. April 25, 2025 Zirtawpni khan Audit hi zawh fel a ni.
