BCM President Rev. F. Ramdinmawia’n Assembly rorel hi bul a tan a, rorel palai lawmna thu a sawi  zawh ah President thar Rev. Dr. C. Vanlaldika hnenah President nihna a hlan, ani hian rorel a kaihruai nghal a, palai lawmna a bul tanin rorel ni hmasa ber neih chhunzawm nghal a ni.

Kum 2024 Assembly leh 2025 Assembly inkara Ordained Pastor  pakhat leh kohhran upa 91, an vaiin mi 93 sun an ni, an rawngbawlna avanga lawmthu sawina leh an kalsan tak kohhran hote leh an chhungte tana tawngtaisakna Rev. TC. Laltlawmlova’n a hmang.

General Secretary-in Finance report-a pe a,  April 2024 – February 21, 2025 BCM Thawhlawm (Target) atanga sum hmuh tawh zat chu 77,95,55,013 a ni a, Target pumpui atangin 91.89 a lut tawh, Target la tlin lohna hi cheng 6,88,38,987 (8.11 %) a ni.

Statistician Report-in a lan danin Mizoram Baptist Kohhran hnuai ah member 188,440  awmin, kum hmasa aia member punna chu 5160 a ni. BCM hnuai-ah hian ABC 17, Pastor Bial 92 leh Tualchhung Kohhran 485 an awm a ni.

AGS – Mission Report chuan Mission Field-19 leh station hrang hrang 6 (+1 Mali) -ah rawng bawl mek a nih thu te, Missionary leh Mission hnuaiah  thawktu mi 1398, an awm thu te, kum 2024-2025 chhungin Kohhran thar 13 leh Fellowship 17 dinin, ringthar 4887 an awm thu a tarlang bawk.

President-elect atan Rev. Prof. Zolawma chu thlan a ni a, Vawiin rorel ah hian Mizoram chhung leh Mizoram pawn hmun hrang hranga palai tur te ruat an nih bak ah, Assembly Committee hrang hrang member tur ruat an ni.

Tun tum assemblyah hian agenda 66 awmin

Assembly thu atangin pakhat

 Assembly NominationCommittee atangin Pali

 Assembly Executive Committee atangin sawm hnih paruk

Area Baptist Council atangin sawmthum

Administrative atangin panga te rel tura chhawp chhuah a ni.