Vawiin March 14, 2025, (Zirtawpni) chawhnu dar 2:00 khan Pastor Thanzinga Chapel, AICS- ah Valedictory Service Vawi 23-na neih a ni. Principal Rev. Dr. C. Vanlaldika’n inkhawm kaihruaiin, kalchhuakte fuihna thuchah Rev. Dr. V. Laldingliana’n a sawi. Inkhawm-ah hian zirna inpui neitu BCM aiawhin Rev. R. Lalnunzira, AGS-Service in thu a sawi bawk.
Zirlai kalchhuak te hi Master of Theology (MTh) 6
Bachelor of Divinity (BD) 30
Master of Divinity (M.Div) 2
Diploma in Mission Studies (Dip.MS) 5 leh
Diploma in Church Music (Dip.CS) 3 te an ni.
Zirlaite zingah hian a tam ber chu Mizoram Baptist Kohhran niin, kohhran dang LIKBK, UPC (NEI) leh Salvation Army te bakah Mizoram pawn hmun hrang hrang leh Bangladesh atanga zirlai te an awm bawk.
Valedictory Service-ah hian zirlai kal chhuak turte zinga subject hrang hranga ti tha ber chawimawina hun Rev. Dr. Keci Siang, Dean of Post Graduate Study in a hmang, zirlai kalchhuak te Certificate hlanna Rev. Dr. James Chuaukailiana, Dean of Graduate Study in akaihruai a, AICS Principal Rev. Dr. C. Vanlaldika’n Certificate hlanna a nei.
Valedictory Service hi Aizawl khawpui chhung Area Baptist Council leh Pastor Bial hruaitu te, Bialtu Pastor leh Pro. Pastor te, zirlai kalchhuak tur ten ataka rawngbawlna (Practical Ministry) an neihna tualchhung kohhran hruaitute bak-ah zirlai chhungte enge mawzatin an telpuia, BCM Choir ten zaia rawngbawlna an nei bawk.
Valedictory Service hma March 13, 2025 (Ningani) zan-ah zirlai kalchhuak turte thlahna (Farewell Night) hman a ni. C. Lalhmachhuana, Asst. Prof. Communications Dept. in a kaihruai a, zirtirtu leh zirlaite aiawha thlahna thusawi ngaihthlak a nih bakah, kalchhuak tur te aiawha thusawi ngaihthlak a ni. Lawmman chi hrang hrang - Social work Prize, Music Prize leh Hostel / Room Fai lawmman te sem a ni bawk.
