December ni 8, 2023 chawhnu dar 1:00 khan Baptist Higher Secondary School, Serkawn-a zirtirtu hna thawk Supperanuation pension-a chhuak tur Pi R. Lalramthangi thlahna neih a ni a, thawktute leh School naupangte bakah zirtirtu leh thawktu Pension-a chhuak tawh te engemawzatin an telpui a ni.
Thlahna inkhawm hi Tucker Hall, BHSS-ah ah neiin, Pu Lalhmachhuana, Lecturer, BHSS-in a kaihruai a, Upa R. Zosangliana, Principal, BHSS in School aiawh leh thawktute aiawhin thlahna thu a sawi a, zirlai aiawh leh Staff Welfare aiawh ten thilpek hlanin, Pi R. Lalramthangin hnen atangin lawmthusawina leh Zirlaite fuihna thu ngaihthlak a ni a, mi hrang hrang ten amah an uina leh an thlahna thu leh Nl. R. Lalthansangi hnen atangin fakna hla ngaihthlak a ni bawk.
Pi R. Lalramthangi hi kum 1987, September 1-ah Kristian High School-a zirtirtu hna thawk turin lak a ni a. A thawh ni atanga a pension thlengin kum 36 zet a thawk a ni.
