BMP Day vawi 45-na urhsun taka hman a ni dawn.

May 4, 2025 (Pathianni) hi Baptist Mipa Pawl (BMP) din champha phak vawi 45-na a ni a, BMP awmna Unit tinah thupui Headquarters atanga thupui thlan sa “Thlenchin atanga hmasawn” ( Philippi 3:16) tih hmangin hun hman a ni ang. Mizoram BMP hruaitu te pawhin Unit hrang hrang-ah hetiang hian BMP Day hi an hmanpui ang.

Rbt. Chawngrolura Chongthu President: BCM Buarpui leh Ramhlun Buarpui North Bial ah hun a hmang anga, Executive Committee Member Pu LP. Lallianzuala leh Pu F. Zokhuma te’n an tawiawm ang.

Rbt. R. Liankunga, Vice President: Lungsen Pastor Bial, Mahanaim kohhranah hun a hmang anga, Executive Committee Member Rbt. K. Malsawmtluanga leh Pu Pc. Lalngaihsanga te’n Venglai leh BCM Lungsen kohhranah te insem darhin hun an hmang ve thung ang.

Rev. H. Lalfakzuala, Secretary: Serkawn Pastor Bial, Ramzotlang Serkawn kohhranah hun hmangin, Executive Committee Member, Rbt. Tony Zothankhuma’n a tawiawm ang.

Pu C. Lalawmpuia, Asst. Secretary: Lungchem Pastor Bial-ah, Lungchem kohhranah hun hmangin, Executive Committee Member, Rbt. Anthony C. Lalhlimpuia’n a tawiawm ang.

Pu Lalnunsanga pachuau, Treasurer : Tlabung Pastor Bial-ah, Zing lamah Tlabung kohhranah, Zan lamah Zodin kohhranah te hun a hmang ang, Executive Committee Member, Pu C. Zohmingliana leh Pu Pc. Lallawmkima te’n an tawiawm ang.  

Pu Vanlalpeka, Fin.Secretary : Bunghmun Pastor Bial, BCM Bunghmun kohhranah hun a hmang anga, Executive Committee Member Rbt. J.Lalrosanga'n BCM Dinthar kohhranah, a hmang anga,  Rbt. Lalneihkunga'n zan lamah Laisawral kohhranah hun a hmang ve thung ang.  

Pu RL. Thianghlima Sr. Adviser : Chawngte ‘L’ Partor Bial, Zion Chawngte ‘L’ kohhranah hun a hmang anga, Executive Committee Member Pu R. Laldinliana, Pu R. Lalfakzuala, Pu C. Lalrosanga leh Pu Pc. Ramdinliana te’n  Horeb, New Salem, Shalom Chawngte ‘P’ leh Laisawral kohhranah te insem darhin hun an hmang ve thung ang.  

Upa Dr. Joseph Lalrindika Sr. Adviser : Thenzawl Partor Bial, Venghlun kohhranah hun a hmang anga, Executive Committee Member Pu H. Lalrintluanga, Pu ZD. Zahnuna leh Pu F. Lalsawma te’n  Bethlehem  leh Ramlaitui kohhranah te insem darhin hun an hmang ve thung ang.  

Rbt. Zd. Lalnunsanga Executive Committee Member : Lungrang Partor Bial, Lungrang south I- kohhranah hun a hmang anga, Executive Committee Member Pu C. Lalthaliana leh Pu Lalrammawia te’n  an tawiawm ang.

 

Baptist Mipa Pâwl (BMP) hi May 4, 1980 khan Thingsai khuaah din tan a ni a. A hmingah ‘Baptist Men’s Fellowship’ tia dah a ni; kum 1983-ah ‘Baptist Mipa Pâwl’ tiin Mizo tawngin dah a ni a. Kum 1988 Assembly-ah BMP chu kohhran hnuaia pawl (fellowship) pakhat ni tura pawmin, kum 2011 Assembly chuan BCM Planning rawtna pawmpuiin, tualchhung kohhran bâkah Pastor Bial huapa inthlunkhawmna neih leh Bial Rorel pawh a lo phalsak leh ta a ni.

5th Planning Commission-in a remtih leh ruahman angin Kum 2021 Assembly pawmpuiin Mizoram Baptist Mipa Pâwl (MBMP) chu Hqrs Office-ah Full time Secretary neiin kalpui tan a ni a,  Mizoram Pum huap  MBMP Rorel kumtin leh Inkhawmpui pawh kum hnih danah neih a lo phal sak a, Mizoram BMP Inkhawmpui leh Rorel hmasa ber chu February 10-12, 2023 khan Hnahthialah neih a ni.

Mizoram Baptist Kohhran inchhiarna 2024-2025 in a tarlan dan in BMP hi Pastor Bial 92-ah Unit 351 din a ni tawh a, member 16866 an awm mêk a ni.

VEHICLE AUCTION NOTICE

VEHICLE AUCTION NOTICE

Baptist Church of Mizoram chuan a hnuaia Motor Vehicles te hi tihral a duh a. A lei duh chuan a lei ngamna zat chiang takin lehkha ah ziaka char hnanin (Sealed Envelope), a hnuaia hming ziak hnenah hian thehluh tûr a ni a, a ngam sang ber hnenah pêk a ni ang. Amaherawhchu, BCM in a man hniam lamah bituk chin a nei ang Hrechiang duh chuan Office hun chhûngin motor hi enfiah theih a ni a. A hnuaia hmun leh hun tarlan ah hian chhanna lehkha chu hawn tûr a ni ang. …

HATIM thawktu lak tharte

HATIM thawktu lak tharte

BCM Education Committee Meeting vawi 171-na dated 27th October, 2026-a thukhawm chuan a hnuaia hming tarlante hi Higher and Technical Institute, Mizoram (HATIM)-a thawk turin a la thar …

𝐌𝐢𝐬𝐬𝐢𝐨𝐧𝐚𝐫𝐲 𝐂𝐨𝐧𝐟𝐞𝐫𝐞𝐧𝐜𝐞 𝐧𝐞𝐢𝐡 𝐦𝐞𝐤 𝐚 𝐧𝐢.

𝐌𝐢𝐬𝐬𝐢𝐨𝐧𝐚𝐫𝐲 𝐂𝐨𝐧𝐟𝐞𝐫𝐞𝐧𝐜𝐞 𝐧𝐞𝐢𝐡 𝐦𝐞𝐤 𝐚 𝐧𝐢.

Ni li chhung awh tur Mizoram Baptist Kohhran Missionary Conferance Vawi 9-na chu October 15, 2026 atang khan BCM Biak in, Zotlang, Lunglei-ah neih a ni …