November 5-7, 2024 khan ni thum awh BMS Asia Summit chu kolkotta, BMS House-a neih a ni. He Summit-ah hian Asia khawmualpuia Baptist Missionary Society (BMS) in a lo thawhpui tawh kohhran hrang hrang hruaitu te leh BMS lam hruaitu te kalkhawmin, Mission rawngbawlna kawnga nasa zawk thawh ho zel dan tur kawng te sawihovin, Asia khawmualpuia BMS thawhpui Kohhran te nen inrawnhona an nei. He hunah hian khawvel hmun hrang hrang - England, Australia, Switzerland leh India hmun hrang hrang atangin mi 18 an tel a, BCM aiawhin Regional Director rev. A Zohranga leh Rev.J Lalduhawma, Field Director, Cambodia te an tel a ni.

He Summit ah hian thu pawimawh tak tak an sawiho zingah Mission rawngbawlna a thawh hona thuk zawk neih leh kawng đáp te, ⁠BMS hian an rawngbawl dan phùng thlak in England Kohhran te chauh chu missionary tir chhuak tu leh mawh phụt ber tu ni tawh lova, chanvo pawimawh hrang hrang te hi Asia mite kuta hlan chhoh a hun tawh em tih te,  Policentric Mission Chungchang BMS general Director Kang San Tan an a present te sawi hovin zir ho a ni a, Rev. J. Lalduhawma pawhin thusawi leh zirtirna hun changin - Isua Kristaa kohhran leh Mission inpum khatna pawimawhna  sawiin zirtirna a nei a ni.