Buhfaitham Pathianni hman a ni dawn.

April 27, 2025 Pathianni hi Mizoram Baptist Kohhran Ni pawimawh (Special Sunday) “Buhfaitham Pathianni” a ni a, Kolossa 3 : 24 thu “Lalpa Krista rawng in bawl a nih hi” tih chu thupuiah hman a ni.

He Ni hi Mizoram Baptist Tualchhung Kohhran tinah hmangin, zing inkhawmah thuchah sawituin thupui thlansa hmangin thuchah an sawi bakah Buhfaitham chanchin inhrilhhriatna leh tualchhung kohhran Buhfaitham report te ngaithla-in infuihtharnate neih a ni bawk ang.

Buhfaitham lo chhuah dan hi tunhma chuan  Kum 1908-ah Khasi rama nu pakhat rilruah chuan chaw chhum a piangin buhfai veikhat lek lekin dah ila, Kristian tinin kan tih chuan nasa takin hna athawk thei ang  tih rinna a lo piang a. Chutiang chuan a ti ta nghal a, reilote chhungin kohhran pawhin a thatzia an hre ta a. Khasi ram pawh a luan chhuak ta thuai a ni. Chu chu Mizoram pawhin lo hriain, Hmar lamah ti ve thuaiin, chhim lam pawhin kan lo ti ve ta thuai a tih kha kan hriat dan a ni thin a ni.

Mahse hun lo kal zelah zir chianna te neiin, BCM Pastor Rev. Sangliankhuma chinzah chuan research beiin, zirchianna a nei a. A zirchiannaah chuan Buhfaitham hi Garo hnam zinga Kristian hmasa ber Omed W Momen leh Ramke W Momin chuan an hna bansanin Garo hnam zingah rawngbawlna neiin hma an la ta a. Ramke W Momin chuan Pathian ram rawngbawlna leh ram zau zelna atan sum tuak dan tur ngaihtuahin fianrial tawngtaina te nen a dil hnuah a rilru-ah ‘ringtute hi rethei te te an nih avangin sum thawh chhuah a har si a, chaw chhum apiangin buhfai vei khat lek lekin dah hrang ila, chu chu hralh-in sum tlingkhawm atangin rawngbawltute mamawh leina leh Kohhran mamawh atan hman ni se’ tiin an ngaihtuah chhuak ta a. Rei lo te chhungin Khasi ram luan chhuak nghalin, Mizoram pawhin kan lo la chhawng ve ta a ni.

BCM-in buhfai kan tham tan kum hi F.W Savidge (Sap Upa) Report-a a lan dan chuan kum 1915 a ni. Kum 1973 Assembly chuan Buhfaitham rawngbawlna hi Tualchhung Kohhran kutah a dah a, BKHP ten an khawn a, Kohhranin a buaipui thin. Kum 1982 atang in Assembly-in BHKP kutah mawhphurhna zawng zawng a lo dah ta a. Sum tling khawm te chu Tualchhung Kohhran kaltlangin Ram thim (Mission) lamah chhûn luh thin a ni.

BCM Finance Department-in a tarlan danin kum 2024-2025 Financial Year chhunga Buhfaitham atanga BCM sum hmuh zat chu a vaiin  -  Rs.11,89,80,949.00/- ( Nuai sangkhat za sawmriat pakua,  singriat zakua sawmlipakua a ni a), Area hrang hranga Buhfaitham hmuh dan hetiang hi a ni:- 

Headquarter                - Rs. 7,53,99,488/-

Aizawl Area                - Rs. 2,07,76,251/-

Lawngtlai  Area          - Rs. 2,28,05,210/-

TOTAL                      - Rs.11,89,80,949/-

VEHICLE AUCTION NOTICE

VEHICLE AUCTION NOTICE

Baptist Church of Mizoram chuan a hnuaia Motor Vehicles te hi tihral a duh a. A lei duh chuan a lei ngamna zat chiang takin lehkha ah ziaka char hnanin (Sealed Envelope), a hnuaia hming ziak hnenah hian thehluh tûr a ni a, a ngam sang ber hnenah pêk a ni ang. Amaherawhchu, BCM in a man hniam lamah bituk chin a nei ang Hrechiang duh chuan Office hun chhûngin motor hi enfiah theih a ni a. A hnuaia hmun leh hun tarlan ah hian chhanna lehkha chu hawn tûr a ni ang. …

HATIM thawktu lak tharte

HATIM thawktu lak tharte

BCM Education Committee Meeting vawi 171-na dated 27th October, 2026-a thukhawm chuan a hnuaia hming tarlante hi Higher and Technical Institute, Mizoram (HATIM)-a thawk turin a la thar …

𝐌𝐢𝐬𝐬𝐢𝐨𝐧𝐚𝐫𝐲 𝐂𝐨𝐧𝐟𝐞𝐫𝐞𝐧𝐜𝐞 𝐧𝐞𝐢𝐡 𝐦𝐞𝐤 𝐚 𝐧𝐢.

𝐌𝐢𝐬𝐬𝐢𝐨𝐧𝐚𝐫𝐲 𝐂𝐨𝐧𝐟𝐞𝐫𝐞𝐧𝐜𝐞 𝐧𝐞𝐢𝐡 𝐦𝐞𝐤 𝐚 𝐧𝐢.

Ni li chhung awh tur Mizoram Baptist Kohhran Missionary Conferance Vawi 9-na chu October 15, 2026 atang khan BCM Biak in, Zotlang, Lunglei-ah neih a ni …