Administartive Committee ruahmanna a kum 5 lai deputation a a awm hnu in, May 1, 2024 (Nilaini) chawhnu dar 1:30 khan Associate General Secretary-Service kaihhruaina-in Audio Visual Production Manager ni lai Tv C. Lalhmachhuana chuan Pu C. Lalengkima, Senior Production Assistant, hnenah Manager charge a hlan a, Manager thar ruat a nih hma chu Pu C. Lalengkima hian Manger mawhphurhna (charge) hi a chelh rih ang.
Manager kal chhuak ta Tv. C. Lalhmachhuana hian Committee ruahmanna angin D.Th zir leh tura a inbuatsaih chhungin AICS-ah zirtir hna a thawk rih ang a, May 10 hian AICS-ah a hna hi a zawm ang.
May ni 1 zing Office Devotions hman zawh-ah BCM Headquarters Staff Welfare te pawhin Tv. C. Lalhmachhuana chu Office a chhuahsan dawn tak avangin thlahna hun tawi an hmang a. Upa Lalbiakthanga Chawngthu, Vice Chairman, Staff Welfare-in amah uina thu leh a hna thawh avanga lawmthu sawiin, Nl. T. Lalfawnveli’n thlahna thilpek a hlan a, Tv. C. Lalhmachhuana hnen atangin lawmthusawina leh thuchah tawi ngaihthlak a ni bawk.
