June 18, 2025 khan Canadian Baptist Ministries (CBM) hotu, Senior Program Co-ordinator - Pu CP. Raju chuan Mizoram Baptist Kohhran, R&D rawngbawlna a rawn tlawh a, R&D Director Rev RC. Lalthanzama, Co-ordinator Rbt. Lalrinawma, Asst. Coordinator - Nl. T. Lalfawnveli leh Field Facilitator – Nl. Laldinthari Ralte te’n lo dawng sawngin, CBM leh BCM Relief & Development Department thawhhona-a Youth skill Developement Project hnuaia Training centre hrang hrang te an tlawhpui .
R&D hotute nen Inkawmhona neih zui a ni a, Project kalpui zel dan tur leh Sustainability Project 2025-2027 atana an duan bawhzui dan tur te sawihona neih a ni. R&D mikhual pawimawh hi June 20 (Zirtawpni) khan Lunglei chhuahsan in a hawng leh ta a ni.
Canadian Baptist Ministries leh BCM R&D te hi kum 2022 atang khan thawkhovin, an thawhhona hnuaiah Sustainable Community Development through Education and Support project kalpui mek a ni a. He Project hnuaiah hian Thalai te hmasawnna leh ei zawnna neih theihna a tan thiamna chi hrang hrang Puanthui, Beautician, Baking, Alluminium & Steel Fabrication, Computer zirna te kalpui mek a ni. Heng bakah hian Alluminium leh Steel Training-na hmun leh siam chhuahna hmun July 1st, 2025 atang hian Canadian Baptist Ministries te tanpuina hnuaiah Baptist Camping Centre hnuaiah kal chhoh pui ลฃan a ni bawk ang.
Project hrang hrang kaltlang hian ลฃhalai 60 chuang thiam thil hrang hrang zirtirna leh chhawmdawlna pek anlo ni tawh a ni. Tun dinhmunah CBM Project hnuaiah ลฃhalai mi 21 te thiam thil hrang hrang zirtir mek an ni bawk. Kum chanve hnu lam atana heng zirna hrang hrang atan hian Advertisement chhuah mek a ni bawk. A diltu te hian June 27, 2025-ah interview an nei anga July 1, 2025 atangin a tling a ten class an ลฃan chhun zawm ang.
