Tun tumah hian Canadian Baptist Ministries, (India) hruaitu mi pathum leh Canadian Baptist Ministry thawhpui te Nagaland leh Odhisa atanga Baptist Association hrang hrang -a thawktu mi 12, an vaiin mi 15 an rawn kal a. BCM R&D thawktuten Director Rev. L. Vanlalsanga hovin an lo dawngsawng a ni.
Tun tumah hian Canadian Baptist Ministries, (India) hruaitu mi pathum leh Canadian Baptist Ministry thawhpui te Nagaland leh Odhisa atanga Baptist Association hrang hrang -a thawktu mi 12, an vaiin mi 15 an rawn kal a. BCM R&D thawktuten Director Rev. L. Vanlalsanga hovin an lo dawngsawng a ni.
December 2 Inrinni khan Mikhualte hi Pu Lalrinawma – Coordinator leh Nl. T. Lalfawnveli, Asst.Coordinator ten R&D hmalakna leh Project hrang hrang a kalpui mek te an fanpui a, kut hnathawktute leh Training Centre hrang hranga zirtirtute leh zirlai te tlawhin an kawm bawk. Pathianni-ah Biak In hrang hrangah inkhawmpuiin, December 4 (Thawhtanni) khan BCM Committee Room-ah Seminar leh Workshop neiin nilengin hun an hmang a, December 5, 2023 (Thawhlehni) khan Lunglei chhuahsanin Aizawl lam an pan leh ta a ni.
BCM hi Canadian Baptist Ministries (CBM) te nen hian kum 2003 atang khan thawk hovin Community Development Project tha takin kan lo thawkho tawh a. Kum 2022 atang khan Thawhhona hi chhunzawm-in Thalai te hmasawnna leh ei zawnna ngelnghet an neih theihna a tan - Puanthui, Beautician, Electrician, Computer zirna leh Alluminium fabrication te kalpui chhoh mek a ni a.
Tin, Kuthnathawktute dawmkanna leh hmasawnna atan Zawlpui, Tuisenchhuah leh Bolia atangin Loneitu engemawzat thlang chhuakin Lo leh huan ngelnghet nei turin hma lakpui an ni bawk. Heng Project kalpui mek te bakah hian Khuarel chhiatna hrang hrang – thlipui, Tuilian leh kangmei tuarte leh Raltlante chhawmdawlna hna te thawkin tanpuina sum an rawn pek hmangin chhawmdawlna hna engemawzat pek chhuah a ni bawk.
