June 1 leh ni 2 chamin Canadian Baptist Ministry (CBM) hotute - Pu Chellem Purushotham Raju leh Pu Inkummeren Jamir te chuan BCM Headquarters, Serkawn an rawn tlawh a. R&D hotuten lo dawngsawngin, BCM hruaitute nen inhmelhriattirna leh inkawmna hun tha tak an nei a. CBM hotute hian R&D leh CBM te thawhho na hnuaiah Sustainable Community Development kalpui mek te a hmuna an enpui a. Lunglei-a Beautician Training centre te, Zawlpui leh Boliaveng-a Lo leh huan neitute an tlawh pui an ni, Nl. T. Lalfawnveli, Asst.Coordninator leh Pu Lalrinkima, Project Accountant ten an tawiawm a ni. CBM hotute pawh Huan leh Lo neitute hnathawh dan an hmuhnin an lawm hle. CBM hotute hi June 3 khan an haw leh ta a ni.
BCM Relief & Development Department leh Canadian Baptist Ministry te thawhho na hnuaiah Sustainable Community Development through Education and Support project kalpui mek a ni a. He Project hnuaiah hian Thalai te hmasawnna leh ei zawnna neih theihna a tan thiamna chi hrang hrang Puanthui, Beautician, Electrician, Computer zirna te kalpui mek a ni a, Alluminium fabrication pawh training tan thuai tum a ni. Heng bakah hian Zawlpui, Tuisenchhuah leh Bolia atangin Lonei mi 30 thlan chhuah an ni a, an tan hian hma nasa taka lak mek bawk a ni.
