Director, Medical & Health Department report in a tarlan danin – September 2024 chhungin Christian Hospital Serkawn-ah damlo 2560 in entirin, an zinga 370 admit an ni a, nau piang 53 an awm laiin mitthi 11 an nei thung. Report kimchang hetiang hi a hi:-

Mi thahnemngaite, pawlho leh Kohhran hote hnen atangin Hospital Poor Patient Fund atan cheng nuai nga, sing sarih, sang khat leh 469 (Rs. 571,469/-) hmuh a ni a, hospital mamawh hmanrua leh bungrua chi hrang hrang an dawng bawk. October thla chhung khan thisen Unit 76 an dawng a, thisen petute hi - Government College, Hnahthial hnen atangin unit 27, TKP S.Vanlaiphai Bial atangin unit 33 leh 2nd Bn.MAP, Luangmual hnen atangin unit 16 te a ni.   Dr. Vanlalhmuna kompa chuan Sarojini Naidu Medical College, Agra atangin PG Diploma in TB & Chest Desease a zawh hnuin Christian Hospital, Serkawn-ah October atang khan a hna a rawn zawm ve leh ta bawk.