Christian Standard Bible India rama tlangzarhna hmasa ber neih a ni.

By Communications Dept.BCM

April 5, 2025 (Inrinni) chawhnu dar 3:00 khan Dynasty Hotel Conference room, Guwahati-ah buatsaih a ni. He inkhawmah hian North East India-a Kohhran hrang hrangte atangin mi eng emaw zat an kal khawm a, BCM atangin Rev. PC. Lalnunzira, Regional Director leh Rev. PC. Lalropuia, Bialtu Pastor, BCM Shillong Pastor Bial te bakah BCM-a thawktu Nl. Jessie Lalramneli, Secretary, NEICC WA te an tel a ni. Kalkhawmte hnenah hian Bible lehlin thar Christian Standard Bible leh Lehkhabu tha tak tak eng maw zat an pe.

images 2025/Bible Jessie.jpeg

Southern Baptist Convention, USA rawngbawlna peng pawimawh tak pakhat LifeWay chuan Kristian thu leh hla bakah Pathian Lehkhabu Thianghlim, tawng tluangtlam leh hriatfiah awl zawka lehlina sem chhuah te, mimal leh Kohhrante tan Pathian Thu vawrhdarhna hmanrua chi hrang hrang buatsaih hnate thawk turin, April 19, 2021 khan India Sawrkarah a in ziaklut a ni.

images 2025/Bible.jpeg

BMP Day vawi 45-na urhsun taka hman a ni dawn.

BMP Day vawi 45-na urhsun taka hman a ni dawn.

May 4, 2025 (Pathianni) hi Baptist Mipa Pawl (BMP) din champha phak vawi 45-na a ni a, BMP awmna Unit tinah thupui Headquarters atanga thupui thlan sa “Thlenchin atanga hmasawn” ( Philippi 3:16) tih hmangin hun hman a ni ang. Mizoram BMP hruaitu te pawhin Unit hrang hrang-ah hetiang hian BMP Day hi an hmanpui ang. …

2025 BKHP Day hman a ni dawn.

2025 BKHP Day hman a ni dawn.

May 2, 2025 Zirtawpni kha Baptist Kohhran Hmeichhe Pawl (BKHP) din champha phak vawi 87-na a ni a. Kumin BKHP Day thupui chu “Lawm chunga Lalpa rawngbawl” (Sam 100:2) a ni. MBKHP lam atanga ruahman leh ngenna an siam angin hemi ni zing kar leh chhun lama hun hmang theite chuan Khawtlang tana thil tha tihna atan hmangin khawlai tihfai hna te an thawk a, zan lam-ah BKHP Day pualin inkhawmin, thupui thlan sa hmangin thuchah ngaihthlak a ni. Hemi Ni pual inkhawm thawhlawm hi Tualchhung Kohhran harsa zual tanpui nan hman tura ruahman a ni. …

KNP Day hlung taka hman a ni.

KNP Day hlung taka hman a ni.

April 23, 2025 (Nilaini) khan Kristian Naupang Pawl Din champhaphak (KNP Day) vawi 82-na hman a ni . Kumin KNP Day hi School chawlh lai anih loh avangin tualchhung kohhran thenkhat chuan zan inkhawmnaah KNP pualin hun an hmang a. KNP te’n item hrang hrang an entir bakah thuchah sawitute pawhin thupui awm sa “Thuawihna (Kolossa 3:20) ” tih thu hmangin thuchah an sawi. …