Council of Churches din turin a kalkawng sial zawh a ni ta

 

June 11, 2024 (Thawhlehni) khan J.M. Lloyd Hall, Synod Office-ah Mizoram Kohhrante Inpumkhatna tura Council of Chuches in Mizoram (CCM) dinna turin Joint Committee meeting neih a ni a. He Meeting-ah hian Kohhran hrang hrang paruk - Mizoram Presbyterian Kohhran, Mizoram Baptist Kohhran, Evangelical Church of Maraland, Lairam Isua Krista Baptist Kohhran, Evangelical Free Church of India, Isua Krista Kohhran ( Bualpui Ng) aiawhte an tel a ni.

 

Meeting hi Rev. R. Vanlalnghaka, Synod Moderator-in a kaihruai a, Secretary hnen atangin report ngaihthlak a ni. Secretary report-ah hian May 6, 2024 (Thawhtani)-a BCM Headquarters Office-a Drafting Committee thut khawm a nih thu te, May 2, 2024-ah Kohhran dang hruaitute kawmna hun hman a nih thu te, Church Council of Mizoram hruaitu turte ruat an nih tawh thu te a tel.

Meeting-a thu rel zingah Council of Churches in Mizoram (CCM) Constitution te, CCM Interim Budget ruahmanna te, Council of Churches in Mizoram hawn hun leh Programme te, kohhran pawl dang atanga member nih dilna te a ni a. Church Council in Mizoram din hun atan October 27, 2024 ruat chu pawm a ni a. CCM hruaitu chanvo insiamremna te, Kohhran tinin Office Bearer tura an ruatte chu pawmin,  October 26, 2024-a CCM Rorel Inkhawmah hei hi pawmpui turin chhawp chhuah leh a ni ang.

 

CCM hruaitu atan heng te hi ruat an ni:-

President - Rev. R. Lalbiakliana, (BCM)

Vice Presidents -
a) Rev. B. Zazawna (LIKBK)

b) Rev. Lalrodinpuia L.S. Nghaling (IKK Bualpui Ng)

General Secretary (Full time) - Rev. Dr. Lalhmangaiha (MPC)

Joint Secretary - Rev. T. Salaw (ECM)

Treasurer - Upa R. Lalmalsawma (MPC)

Finance Secretary - Rev. Jessai L. Neitham (EFCI)

 

Council of Churches in Mizoram a lo pian theihna tur hian Joint Meeting hmasa ber chu January 24, 2023 khan BCM Headquarters-ah neih a ni a.  He inhmuhkhawmah hian Drafting Committee din a ni. Drafting Committee ruahmanna chu May 19, 2023-ah Booth Manson Hall, Salvation Army Headquarters-ah en ho a ni a. Drafting Committee ruahmanna chu pawmin, mahni kohhran rorelna sang ber theuhvah ngaihtuah tura an thlen hnu-ah, April 3, 2024-ah JM Lloyd Hall, Synod Office-ah Joint Meeting hi neih leh a ni a.

Joint Meeting chuan CCM danpui lo duang tur leh CCM din hun leh programme te lo duang turin Drafting Committee kuta a dah chu Drafting Committee-in ruahmanna siamin tun tum Joint Meetingah hian pawm a ni ta a ni. Tunah hian Council of Churches in Mizoram dinna tura a kalkawng thui tak chu sial zovin, a kalphung leh hruaitu tur te, a din hun leh hmun tur te ruahman a lo ni ta a ni.

MTKP Inkawmpui a tiak ta

MTKP Inkawmpui a tiak ta

Mizoram Thalai Kristian Pawl (MTKP) inkhawmpui vawi 48-na 'Pathian hnaih' tih thupui hmanga February 13-16, 2025 a Pasalthate Run, Lunglawn Mual a neih chu February 16, 2025khan a tiak. Palai riak lut zawng zawng hi Sangli zathum sawmthum pariat ( 4338 ) an ni a, Inkhawm tawp ber Pathianni zan inkhawm zat hi Singhnih sanghnih sawmnga pakhat (22051) niin, thawhlawm cheng Nuai hnih sing sarih sang sarih zathum sawmthum panga (277335) a ni. Inkhawmpui chhung zawnga thawhlawm tlingkhawm hi cheng Nuairiat singruk sangnga za sawmkua (865190) a ni. …

Council of Churches In Mizoram Executive Committee Meeting vawi hnihna neih a ni.

Council of Churches In Mizoram Executive Committee Meeting vawi hnihna neih a ni.

February 11, 2025 (thawhlehni) zing dar 7:30 Am khan Council of Churches In Mizoram Executive Committee meeting vawi hnihna Evangelical church of Maraland, Siaha ah neih a ni. Meeting hi CCM President Rev. Dr. R. Lalbiakliana’n a kaihruaia, General Secretary Rev. Lalrodinpuia LS Nghaling (IKK)-in report tlangpui a pe, Treasurer Upa R. Malsawma (MPC) hnen atangin tuna sum din hmun tlangpui ngaih thlak a ni Thurel tlangpuite: …

HATIM Multipurpose Hall thar sakna tur lungphum General Secretary Rev. Dr. R Lalbiakliana’n a phum

HATIM Multipurpose Hall thar sakna tur lungphum General Secretary Rev. Dr. R Lalbiakliana’n a phum

February 4, 2025( Thawhlehni) khan HATIM Multipurpose Hall thar sakna tur lungphum General Secretary Rev. Dr. R Lalbiakliana’n phumin Pathian hnenah hlanna a nei. Upa Er. Victor Lalrinawma Sailo in technical report tlangpui pein. Multipurpose Hall hi 60 X80 Feet a sak tum niin, a sakna tur atan hian cheng nuai 199/- budget-ah dah a ni a, kumin bul tan nan hian budget-ah cheng nuai 20 dah a ni. …