Council of Churches in Mizoram (CCM) hawn a ni dawn ta.

 

Mizoram Kohhran te inpumkhatna atana Kohhran hrang hrang aiawh ten ruahmanna an siam angin Council of Churches in Mizoram chu October 26&27, 2024 hmang hian CCM Rorel leh inkhawmpui hmasa ber chu Mission Veng Presbyterian Kohhran Biak In, Aizawl-ah neih a ni dawn ta. Inrini chawhnu dar 12:30 atangin Rorel Inkhawm neih a ni ang a, . CCM Rorel-ah hian Kohhran pawl hrang hrang atangin awiawh (Palai) tel thei tur mi 552 zet an awm dawn a ni. Inrinni zanah Palai lawmna Inkhawm neih a ni ang a, Kohhran hrang hrang aiawhte hnen atangin report tawi nghaihthlak a ni bawk ang. 

October 27, Pathianni chawhma inkhawmah Council of Churches in Mizoram Hawnna Inkhawm neih a ni ang a, Rev Vanlalnghaka, Moderator, MPC leh CCM Chairman-in a hawng ang a, Pu Lalruatkima Recording Secretary, CCM-in report a pe ang. Rev. Dr. H Remthanga'n CCM hruaitu thar lakluhna (Installation) a nei ang a, Pu Lalduhoma, Mizoram Chief Miniter leh Rev. Ramengliana, NEICC Secretary ten chibaibukna an sawi bawk dawn a ni. Pathianni chawhnu leh Pathianni zanah te CCM Inkhawmpui hi neih chhunzawm a ni ang.

October 28, 2024 (zing dar 7:30)-ah CCM Office chu Rev. Dr. R. Lalbiakliana, General Secertary-in a hawng ang. CCM Office hi General Secretary leh thawktu ten an luah nghal ang. CCM Office lawilawk tur hi Synod Conference Centre, Mission veng, Aizawl-ah a awm dawn a ni.

Tun dinhmunah Council of Churches in Mizoram-ah hian Kohhran pawl 8 – Mizoram Presbyterian Kohhran (MPC), Mizoram Baptist Kohhran (BCM), Evangelical Church of Maraland (ECM), Lairam Isua Krista Baptist Kohhran (LIKBK), Evangelical Free Church of India (EFCI), Isua Krista Kohhran, Bualpui (IKK), Bualpui (Ng), Wesley Methodist Church, Mizoram leh Independent Church of India (ICI) te an awm mek a ni.

 

CCM HAWNNA LEH ROREL INKHAWMPUI HMASA BER PROGRAMME

CCM PRESS NOTE

CCM Chanchin leh hawnna Programme te hrechiang duh tan an website Kohhran Inpumkhatna -ah hian tlawh theih a ni e:

VEHICLE AUCTION NOTICE

VEHICLE AUCTION NOTICE

Baptist Church of Mizoram chuan a hnuaia Motor Vehicles te hi tihral a duh a. A lei duh chuan a lei ngamna zat chiang takin lehkha ah ziaka char hnanin (Sealed Envelope), a hnuaia hming ziak hnenah hian thehluh tûr a ni a, a ngam sang ber hnenah pêk a ni ang. Amaherawhchu, BCM in a man hniam lamah bituk chin a nei ang Hrechiang duh chuan Office hun chhûngin motor hi enfiah theih a ni a. A hnuaia hmun leh hun tarlan ah hian chhanna lehkha chu hawn tûr a ni ang. …

HATIM thawktu lak tharte

HATIM thawktu lak tharte

BCM Education Committee Meeting vawi 171-na dated 27th October, 2026-a thukhawm chuan a hnuaia hming tarlante hi Higher and Technical Institute, Mizoram (HATIM)-a thawk turin a la thar …

𝐌𝐢𝐬𝐬𝐢𝐨𝐧𝐚𝐫𝐲 𝐂𝐨𝐧𝐟𝐞𝐫𝐞𝐧𝐜𝐞 𝐧𝐞𝐢𝐡 𝐦𝐞𝐤 𝐚 𝐧𝐢.

𝐌𝐢𝐬𝐬𝐢𝐨𝐧𝐚𝐫𝐲 𝐂𝐨𝐧𝐟𝐞𝐫𝐞𝐧𝐜𝐞 𝐧𝐞𝐢𝐡 𝐦𝐞𝐤 𝐚 𝐧𝐢.

Ni li chhung awh tur Mizoram Baptist Kohhran Missionary Conferance Vawi 9-na chu October 15, 2026 atang khan BCM Biak in, Zotlang, Lunglei-ah neih a ni …