December 14, 2023 (Ningani) zan khan Communications Department buatsaih - Fak Lam (Worship Dance) intihsiak Lawngtlai Area aṭanga Final Round-a tel tur te thlanna, BCM Biak In, Lawngtlai Vengpui-ah neih a ni a. Intihsiakna hi Lawngtlai Area ṬKP Coordination Committee ten buaipuiin, Nl. Zohlimpuii Chhakchhuak-in a kaihruai a. Fak lam Organising Chairman Rbt. Elvis Lalthangzuala’n hunserh hmangin, Organising Secretary Teddy Lalrinliana Aineh-in report a pe a, Nl. T. Lalhlimpuii leh Emely Laldinmuani te’n fakna hla an sa bawk. Tel zawng zawngte hnenah lawmman sem a ni a, Upa T. Vanlaldika, Senior Adviser, Lawngtlai Area ṬKP Coordination Committee-in lawmthu sawina leh ṭawngṭaina-in hun a khar a ni.

Intihsiak-ah hian Kohhran pakua – BCM Chanmari (Lawngtlai), BCM Maranatha (Lawngtlai), BCM Thingfal, BCM Zion (Thingfal), BCM Zion (Lawngtlai Vengpui), BCM Elim (Bungtlang ‘S’), BCM Bungtlang South leh BCM Electric veng, (Lawngtlai) an tel a. Heng aṭang hian - BCM Maranatha (Lawngtlai), BCM Chanmari (Lawngtlai), BCM Electric veng, (Lawngtlai) te chu Final Round lutin, Aizawl leh Headquarters area (Lunglei) aṭanga Final Round lutte nen intihsiakna hi an nei leh dawn a ni.

Watch on Youtube : Faklam Intihsiak @Lawngtlai