Mizoram Baptist Kohhran chuan Mission Field Director atana ruat thar - Rev. Zadingliana Pachuau -Tripura Field-a awm tur leh Rev. J. Lalpiantluanga, Jarkhand Field-a awm tur te leh an nupui te chu tunkar Pathianni, March 17, chawhma dar 10:00 khan Mizoram Baptist Kohhran Biak In, Zotlang North-ah Rev. R. Lalbiakliana, General Secretary-in a tirchhuak a.

Tirhchhuah inkhawm hi Pu T. Nghaksanga, Mission Promoter-in a kaihruai a, Upa R. Vanlaldika, Electric, Lunglei leh Upa R. Lalthanmawia, Venghlun, Lunglei ten Pathian thu chhiarin Nl. Lalrammawii Thangluah, General Service, Mission Department-in Field Director tur te hmelhriattirna a nei a, General Secretary-in tirhchhuahna a neih hnu-ah Rev. Vanlalmuankima, Director, Pastoral Dept.-in tawngtaisakna neiin Rev. Dr. R. Lalthanmawia, AGS Mission-in thuchah a sawi a, zaipawl pali – BCM Choir, Zotlang Pastor Bial, Rahsiveng Pastor Bial leh Zotlang North Kohhran zaipawl ten zaia rawngbawlna an nei a. Rev. Joseph Vanlalruata, Bialtu Pastor, Zotlang Pastor Bial-in malsawm tawngtaiin inkhawm a tin a ni.

Field Director tirhchhuah takte hi March thla chhungin an aw  mna tur an pan ang a, April 1, 2024-ah charge la-in an hna thar an zawm nghal dawn a ni.