April 11, 2024, ningani zan khan Khawvela Baptist Kohhran hruaitu liante; Rev. Dr. Elijah Brown, General Secretary, Baptist World alliance (BWA),   Rev. Dr. Vee Tetseo, General Secretary, Asia Pacific Baptist Federation (APBF) leh  Rev. Samaresh Nayak, General Secretary, National Council of Baptist Churches in India (NCBCI) te chuan Shillong an tlawh  

Hemi hi remchangah hmangin Krima XII of Garo Baptist Convention, Shillong chuan an Biak inah inkhawm buatsaihin Shillong khawpui chhunga hnam hrang hrang Baptist Kohhran 18 zet te kokhawmin inkhawm an buatsaih a, BCM atangin  Rev. PC. Lalropuia leh Upa B. Tanpuia te an tel a. He inkhawm ah hian Shillong Khawpui chhunga Baptist Kohhran awm zawng zawngte in aikhawmna tur forum lian tak din tura hmalak nghal niin, hruaitu lailawk tur an ruat zingah Rev. PC. Lalropuia, Bialtu Pastor, Shillong Bial pawh a tel a ni.

Heng hruaitu atana thlan chhuahte hi Rev. Dr. Elijah Brown, Gen, Secy., BWA in tawngtai sakna leh Pathian hnena hlanna a nei a, hun remchang hmasa berah inhmukhawmin chanvote an in ruat ang a, hmalak zel dan turte an la sawiho dawn a ni.