April 7-13,2025 inkar khan Gospel Trumpet BCM Recognized team te chuan Chawngte leh a chhehvela Chakma te zingah rawngbawlna an nei
April 7-10 chhung khan Chawngte Hospital-ah hian Gospel Trumpet evangelist hote tan Free Medical training an buatsaih a, trainingah hian mi pakua tel theiin, training hi hlawk takin hun an hmang a ni.
April 10 – 11, 2025 (Ningani zan atanga Zirtawp) BBS Chawngte School ah Chawmgte Area a rawngbawl mek te Missionary te bakah Voluntary, native worker te leh CBC Pastor zingah Seminar cum training an neihpui a, Resource person atan Upa HS Lalhmingthanga, Rev. Lalthanzauva leh Upa Laltlankima Hnamler te ahman an ni.
Ninga zanah Upa HS Lalhmingthanga’n hun a hmang a, a tuk inrinni nileng in hun hman chhunzawm a ni a, inrinni hian session hnih-ah then lehin 1st session-ah Rev. Lalthanzaua’n hun a hmang a, 2nd Session-ah Upa Latlankima Hnamler in hun a hmang thung a ni.
Gospel Trumpet hian Inrinni zan atangin Chawngte Mizo Kohhran hrang hrangah hun hmangin an in sem a, Pathian ni zingah Chawngte C khawpuiah Tumkau Pathianni (Palm Sunday) kawngzawh telpuiin, chhun inkhawmah Chawngte chheh vel CBC Biak In-ah leh BCM Tualchhung kohhran hrang hrangah hun an hmanpui a ni.
Gospel Trumpet Team te hi member 13 an ni a, Aizawl atangin Rev. Lalthanzauva Chanmari Aizawl, Upa Laltlankima Hnamler BCM Chawlhmun leh Upa H. Lianmawia Chanmari Aizawl te bakah Lunglei atangin member 7 te’n an telpui bawk a. Thawhtanah lo let lehin hemi ni hian BCM Hqrs hruaitu tharte chibai bukna leh Pahthian hnenah malsawmna dila tawngtai sakna an nei a. Hemi hnu hian General Secretary, AGS Mission leh Director remchang ang angte an tlawh kual a ni.
