Higher and Technical Institute, Mizoram (HATIM) chuan HATIM Students Council (HSC) huaihawtin, kumin a zirlai tharte lawmna ‘Fresher’s Day’ chu Ni 15 July, 2024 (Thawhtanni) khan College Auditorium ah an hmang.

Freshers Day hi Evangelical Wing (HEW) President ZD Malsawmtluanga’n tawngtaina nen a hawng a, Students Council, Vice Chairman - Stephen Lalnunpuia’n welcome speech sawiin Pu Vuansanga Vanchhawng, Principal-in zirlaite fuihna thu a sawi bawk. Zirlai lut tharte aiawhin Malsawmtluangi, I Semester B.Com in thu a sawi a. Item hmuhnawm leh hlimawm tak takin a zawm a ni. Programme tawplamah hian Naomi Lalruatdiki, Students Council, General Secretary-in lawmthu sawiin, Dr. Lalnunthara, Vice Princpal-in tawngtaiin Fresher’s Day hi a khar ta a ni.

HATIM ah hian tun dinhmunah Department hrang hrang pariat awm mekin zirlai 350 vel an awm mek a ni.