June 5, 2025 (Ningani) khan Higher & Technical Institute, Mizoram (HATIM) chuan zirlai chhuak turte thlahna hun (Valedictory Ceremony), KT. Multipupose Hall, Kawmzawl-ah an hmang. Pi Lalrinpuii, Hon’ble Minister for H&FW,SW&TA leh Tourism Dept. chu Khuallian a ni.

Principal, Dr. R. Lalnunthara'n inkhawm a kaihruai a, Rev. Vanlalmuankima, AGS Service, -in he programme hi Pathian hnena hlanna ṭawngṭai (invocation prayer) hun a hmang a ni.

Principal-in Khuallian leh an mi sawmte lawmna thu sawiin, zirlai Graduate tharte hmelhriattirna a nei nghal a. Graduate thar te'n thutiam sawirualna an neih hnuin, Chief Guest, Pi Lalrinpuii'n valedictory address a pe.

Pu Lalruatkima, Asst. Professor, HATIM chuan Award hrang hrang semna a  neih chhunzawm nghal. Chief Guest-in thu a sawi zawhah Graduate tharte aiawhin Naom Lalruatdiki, VI Semester, BSW-in thu a sawi bawk.

Hemi hnu hian Rev. RC. Lalthanzama, Director Education Department, BCM-in College Megazine a tlangzarh chhunzawm nghal a ni.

Pi Hannah Lalnunpuii Khiangte, Vice Principal, HATIM-in lawmthu sawiin, Rev. Joseph Vanlalruata, Director, Mission Department, BCM-in malsawmnain HATIM Valedictory Ceremony hun hi a khar a ni.

Kumin HATIM Valedictory Ceremony-ah hian zirna peng hrang hrang-a zirlai Graduate thar zirlai mi 90 thlah an ni, Graduate te hi BCA-ah mi – 14, B. COM-ah mi -27, BSW- 9, Education-ah mi – 16, English Core–ah mi 10, History-ah – 6, Philosophy-ah mi – 1 leh Psychology-ah mi – 6  te thlah an ni.

Kumin graduating students zingah hian Department tin aṭangin zirnaa tiṭha ber Proficiency Award sem a ni a, graduating batch aṭanga zirna mai bakah nungchang, discipline leh kawng engkima entawntlak zirlai hnenah HATIM Award hlan a ni bawk.

A hnuiaa mite hi kumina Award dawngtute an ni:-

Proficiency Award:

1.         R. Lalngaihawmi – Bachelor of Commerce (B. Com)

            2.         Joshua Vanlalhnehpuia – Bachelor of Computer Applications (BCA)

            3.         B. Malsawmtluangi – Bachelor of Social Work (BSW)

            4.         H. Lalrinliani – Bachelor of Arts (English)

            5.         Laltanpuii Renthlei – Bachelor of Arts (History)

            6.         Lalfakzuala Zadeng – Bachelor of Arts (Philosophy)

            7.         Lalnunpuii – Bachelor of Arts (Education)

            8.         Phillip Vanlalchunglura – Bachelor of Arts (Psychology)

HATIM Award:

Lalngaihsaki Hauhulh – Bachelor of Arts (English)