Rev. L. Rithanga hi Kristian chhungkua aลฃangin Kum 1937 March thla khan Bangladesh rama Kawrthindeng khua-ah apiang a, a pa hi Thanzama a ni a, Chawngthu hnam a ni. A nu hi Rochhungi ni a, a mah hi 5.3 ft a sang a ni. Nithum leka upa a nih laiin Tripura Zampuitlang Vaisam khua-ah a pem a. Kum 1965-ah Mizoram-ah an pem leh a, Kawrthah khuaah an awm ta a ni. Kum 1955-ah Class IV a Pass-a, Kum 1960-ah Class X a zir a, Kum 1961-ah Matric exam-in, a pass zo ta lo a ni. High School a luh lai hian Kum 1960 October-ah a piangthar a, chutih lai chuan Independent Church of India-ah an awm a, Kum 1963 October thla-ah Pastor Lalchhunga Tlaksih Zampui tlangdung a mi chuan Zawlnuam khuaah Baptistma a chantir a. Kum 1962-ah Remthangi (Hmar) nen inneiin, Fapa pali leh Fanu 3 an nei a. Kum 1970-ah Fundamental Baptist kohhranah an lut a, Kum 1978-ah Northeast India Baptist Bible College-ah Certificate OT Theology Course a zir a, Kum 1981-ah a zir zova, Kum 1982 January aลฃangin Probationary Pastor hna a thawk a, Kum 1983-ah Rev. Malakar-an zawlnuam khua-ah Minister ni turin a nemnghet. Kum 1986-ah an pawl pumpuiin Mizoram Baptist kohhran an zawm a, a ni pawh a tel ve a, Mizoram Baptist kohhran chuan Pastor atan an pawm nghal a, Pastor hna hi a thawk zui ta zel a ni.
Pastor hna thawka a awm tawhna te:
1986-1987 Kanhmun, Kawrthah Bial
1988-1989 West Phaileng, West Phaileng Bial
1990-1994 Thenhlum, Thorang Bial
1995-1997 Lungsen, Lungsen Bial
Kum 1997-ah a pension a. A pension hnu hian Kawrthah khuaah let lehin, hetah hian an khawsa ta a ni.
Rev. L. Rithanga hi chhun dar 12:00 ah a chenna inah thlahna hun hman a ni a, Rev. Laldinmawia Hnamte in chawhnu dar 1:00 ah BCM Biak In Kawrthah-ah vuina hun a hmang a. BCM President Rev. Dr. C. Vanalaldika, General Secretary Rev. Dr. H. Lalthlamuana leh Rev. Dr. C. Lalhungliana Executive Secretay, Aizawl te’n BCM aiawhin message an thawn a, message hi vuina inkhawmah chhiar a ni. Vuina inkhawm zawhah hian Kawrthah thlan mualah thlah liam a ni.
A ลฃhatlai leh vanglaia theih tawp chhuaha kohhran tana inpe, rawngbawlna ngai pawimawh em em tu in a chatuan ram min pansanta hi BCM tan chuan channa nasa tak a ni.
