BCM Rorelna sang ber, Assembly vawi 128-na chu karleh nilaini March 6 atanga Pathianni March 10 chhung hian BCM Biak In, Electric Veng, Lunglei ah neih a ni dawn a. Assembly thupui hi ‘inpumkhatna’ (Johana 17:21) tih a ni ang. Hun hman dan tur tlangpui kan han tarlang ang e.
-March 6 (Nilaini) zan - Assembly tan zanah Rev. KV Thanga, President-in Inkhawm kaihruaiin, Assembly hawnna a nei ang a, Rev. K. Lalnunsanga’n thupui sawihawnna a nei ang.
-Ningani atanga Pathianni thlengin zing karah Bible Study leh tawngtai tnkhawm neih thin a ni ang.
- Ningani atang Inrinni thleng chhun lamah Assembly Rorel neiin, zan lamah Pathian Biak Inkhawm a awm thin ang.
-Ningani zan-ah Rev. H. Vanlalruata’n thuchah sawiin, Zirtawp zanah Rev. Pc Lalropuia’n thuchah a sawi ang a, Inrinni zanah General Secretary-in Pastor Pension turte thlahna leh Certificate hlanna neiin, Rev. JC Vanlalluaia’n thuchah a sawi ang.
-Pathianni zingah Pastor nemngheh Inkhawm a awm ang a, President thar – Rev. F. Ramdinmawia’n nemnghehna a nei ang. Pathianni chawhnu-ah Lalpa zanriah kilhovin Rev. L. Lalsawmliana’n a buatsaih ang a, Pathianni zanah President kal chhuak – Rev. KV Thanga’n thuchah a sawi ang.
-Assembly chhung hian BCM Choir, Area Baptist Choir te leh Pastor Bial Zaipawl hrang hrang ten zaia rawngbawlna an nei thin ang.
-Assembly Vantlang Inkhawm te hi YouTube- Khawnvar Channel-ah te Live thin a ni ang.
Download - Assembly 2024 |Programme(PDF)
