August 10, 2025 (Pathianni) chawhma dar 11:00 khan BCM Bethel, Kawlchaw West, kohhran thar chu Rev. Dr Lalzarliana, ES Lawngtlai-in a hawng. Kohhran thar hi BCM Kawlchaw West aṭanga in dang niin, tun dinhmunah kohhran chhungkua 15, kohhran member 66 an awm mek a ni.

Kohhran thar hawnna inkhawm hi Lawngtlai Area Baptist Council hruaitute'n telpuiin, kohhran thar lawmpuina thilpek an hlan bawk. Rev. Lalduhawma, Paithar bialtu pastor-in inkhawm kaihruaiin, Upa C. Thankima, Chairman, LABC-in kohhran thar leh hruaitu tharte Pathian hnena hlanna hun a hmang a, Paithar Pastor Bial Zaipawl leh Pu Oscar Zaihmingthanga te'n zaia rawngbawlna neiin, Rev. Dr. Lalzarliana, ES Lawngtlai hnen aṭangin Pathian thuchah ngaihthlak a ni bawk.

BCM Bethel, Kawlchaw West hi Paithar Pastor Bial-a awm niin, tun dinhmunah Paithar Pastor Bial-ah hian tualchhung kohhran pariat - BCM Silo, Kawlchaw East, BCM Sihtlangpui, BCM Chawntlangpui, BCM Paithar, BCM R. Vanhne, BCM Saizawh East, BCM Bethel (kohhran thar) leh BCM Kawlchaw West awmin, kohhran member 1911 an awm a, Bialtu Pastor Rev. Lalduhawma leh Pro Pastor V. Vanlaltlanhlua te’n bial an vawng a ni.