Biak in thar hawnna inkhawm hi Rev. Lalrammawia Bialtu Pastor, Sakawrdai Pastor bial-in a kaihruai a, BCM Choir leh Tv. Thawhlehnaniropuia te’n zaia rawngbawlna an nei. Upa Dr. Lallianzuala Hnamte BCM Statistician-in biak in hlan  tawngtaina a neih zawhin Rev. Dr. H. Lalthlamuana General Secretary-in thuchah a sawi.

BCM Zohmun Kohhran hi May 7, 1995 zan dar 9:30-ah Pu C. Lalnghakliana in, Zohmun-ah din a ni a. Kohhran din tan tirh hian member 36 chiah an awm a ni.
Hetia Kohhran a lo din hian Pu C. Lalnghakliana in-ah kum li lai an inkhawm hnuah headquarters-in Rs 34,000 in lei an leisak a. March 4, 1999-ah Pu C. Lalnghakliana in hi thiatin, biak in, a dung ft 36, a vang ft 27 in sak a ni a, April 4, 1999 ah luah tan a ni. Hun rei tak hawn loha inkhawm nan hman a nih hnuin, January 15, 2006-ah Rev. Dr. K. Thanzauva, khatih laia General Secretary in a hawng a. Hun a lo kal zel a, tuna biak in sir leh a thlang, a hnuai berah hian in hmun pahnih lei a ni a, tuna biak in sak leh a chhehvel atan hian in hmun pathum headquarters-in a leisak a ni.

Kum 2016 August ni 10-ah Rev. K. Lalhmangaihzuala, khatih laia Sakawrdai bialtu pastor-in lungphum a phum a, ngawrh taka hna kalpuiin March 21, 2026 (Inrinni) khan hawn a ni ta a ni.