April 23, 2025 (Nilaini) khan Kristian Naupang Pawl Din champhaphak (KNP Day) vawi 82-na hman a ni . Kumin KNP Day hi School chawlh lai anih loh avangin tualchhung kohhran thenkhat chuan zan inkhawmnaah KNP pualin hun an hmang a. KNP te’n item hrang hrang an entir bakah thuchah sawitute pawhin thupui awm sa “Thuawihna (Kolossa 3:20) ” tih thu hmangin thuchah an sawi. KNP member-te chauh nilo Kohhran mipui te nen he hun hi hlim taka hman ho a ni. Chutih rualin KNP Unit thenkhat chuan KNP Day pualin Inrinni-ah hun an hmang bawk.
KNP lo din tan dan: Serkawn Kohhran Upa Committee- in a rel angin, Zosap Missionary Pi Zoduhi (Mrs.EM Oliver) leh Pi Rovi te hovin April 23, 1943 khan Naupang Pawl din a ni a. Hemi hnu kum 1967 Assembly thuchhuak chuan Tualchhung Kohhran tina din turin a rel ta a ni. A tirah chuan KNP hi “Kohhran Naupang Pawl” tiin an sawi thin a. Tuanah chuan Kristian Naupang Pawl (KNP) tih a lo ni ta a ni.
KNP te hian kum tin thuzir an nei thin a. Headquarters atanga siam niin, November Pathianni hmasa berah an exam thin a ni. Tin, Heng bakah hian Naupangte Thian chanchin bu thla tin chhuak neiin, Missionary te lak an lak sak a, an rawngbawlna pawimawh tak pakhat a ni.
Mizoram Baptist Kohhran Inchhiarna hnuhnung ber, BCM Statistical Handbook 2024-2025-in a tarlan danin KNP Unit 545 awm mekin, member 30,363 an awm mek a ni.
