January 7.2025 (Thawhlehni) ni khan Mizoram Baptist kohhran chuan kumthar atan Office kai ni hmasa ber hmangin Office an hawng tan leh ta. BCM Thawktu hmun hrang hranga Christmas leh kumthar hmanga zin chhuakte  leh mahni hmun lama haw te pawhin Office kai ni hmasa ber hi ngai pawimawhin an rawn haw kim thei vek a, thawktute zingah damlohna avanga  kal thei lo Duty pawimawha kalte tih loh chu Office an kai tha hle.

Office kai tan ni ah hian Headquarters Office, Serkawn – ah chuan Rev Dr. R. Lalbiakliana General Secretary in devotions hmangin Thawktute lawmna leh kumthar atan duhsakna hlanin, fuihna thu tawi a sawi a, thawktute atangin krismas leh kumthar hman dan report-te ngaihthlak a ni bawk. Headquarters Office bak-ah Aizawl leh Lawngtlai Executive Secretary Office te, Field Headquarters leh Mission Stationa thawktute leh Department hrang hrang ten an office hi hawngin hna pangngai an chhunzawm.