Lawngtlai Area huapin KNP Winter Camp neih a ni.

 

Fellowship Department –in Planning-a an dah leh ruahmanna an siam angin BCM-a Area hrang hrang – Aizawl, lawngltei leh Headquarters Area-ah te Winter Camp buatsaihin neih chhoh mek a ni a. December ni 3 leh ni 4 (Nilaini leh Ningani) hmang khan Lawngtlai Area ah pawh KNP Winter Camp hi buatsaih a ni a. He Winter Camp hi Tawngtaina Tlang, Lawngtlaiah neih a ni a, KNP member 170 chuang zet an kal khawmin Zirtirtute leh puipate nen mi 200 chuang an tel thei a ni. He hunah hian KNP Promoter Nl. K. Lalramthianghlimi te, Pu Muansangpuia, Tv. Ivan R. Lalrindika, KNP Trainer leh Rev. David Lalmalsawma, Pu Albert Lalrinzuala, Nl. Dindini te Resource person niin naupang te kawng hrang hranga zirtirna leh thiam thil hrang hrang zirtirna  an nei a ni.

He hunah hian Pathian thu tak inzirtirna te, Nun kawng dik inzirtirna te, Ruihhlo leh zuk leh human laka inven chuangchang te, Environment humhalh chungchangah te zirtirna kawng hrang hrangin neih a nih bakah infiamna leh intihhlimna hrang hrang te buatsaih a ni a, Naupang ten nuam an tiin, an kham lo hle.

KNP Winter Camp hi Aizawl Area tan November 20 leh 21 khan Murray’s Resort-ah hlawhtling takin neih a lo ni tawh a. Rokhawlna a awm a nih loh chuan January 6 &7, 2025 khian Headquarters Area-ah KNP Winter Camp hi neih turin ruahmanna kalpui mek a ni bawk.

VEHICLE AUCTION NOTICE

VEHICLE AUCTION NOTICE

Baptist Church of Mizoram chuan a hnuaia Motor Vehicles te hi tihral a duh a. A lei duh chuan a lei ngamna zat chiang takin lehkha ah ziaka char hnanin (Sealed Envelope), a hnuaia hming ziak hnenah hian thehluh tûr a ni a, a ngam sang ber hnenah pêk a ni ang. Amaherawhchu, BCM in a man hniam lamah bituk chin a nei ang Hrechiang duh chuan Office hun chhûngin motor hi enfiah theih a ni a. A hnuaia hmun leh hun tarlan ah hian chhanna lehkha chu hawn tûr a ni ang. …

HATIM thawktu lak tharte

HATIM thawktu lak tharte

BCM Education Committee Meeting vawi 171-na dated 27th October, 2026-a thukhawm chuan a hnuaia hming tarlante hi Higher and Technical Institute, Mizoram (HATIM)-a thawk turin a la thar …

𝐌𝐢𝐬𝐬𝐢𝐨𝐧𝐚𝐫𝐲 𝐂𝐨𝐧𝐟𝐞𝐫𝐞𝐧𝐜𝐞 𝐧𝐞𝐢𝐡 𝐦𝐞𝐤 𝐚 𝐧𝐢.

𝐌𝐢𝐬𝐬𝐢𝐨𝐧𝐚𝐫𝐲 𝐂𝐨𝐧𝐟𝐞𝐫𝐞𝐧𝐜𝐞 𝐧𝐞𝐢𝐡 𝐦𝐞𝐤 𝐚 𝐧𝐢.

Ni li chhung awh tur Mizoram Baptist Kohhran Missionary Conferance Vawi 9-na chu October 15, 2026 atang khan BCM Biak in, Zotlang, Lunglei-ah neih a ni …