June 13 - 15, 2025 (Zirtawp zan atanga Pathianni zan) thleng hian Lawngtlai North Pastor Bial te chuan Zaipawl  intihsiak leh Zaikutpui  BCM Biak In Thingkah-ah an nei. “ Lalpa chu fak rawh U” (Sam 147:7) tih thupui a hmangin Rev. David Lalmalsawma Sailo Bialtu Pastor Lawngtlai North Pastor Bial in Pathian thuchah a sawi.

Zirtawp zanah Upa B. Vanlalnghaka’n inkhawm a kai hruaia, malzai Nl. Lalrinsangi thingkah leh Nl. T. Lalhlimpuii te bakah BKHP Kanaan Unit, BMP Electric veng unit, Peniel kohhran zaipawl leh Salem kohhran zaipawl te’n zaia rawngbawlnate ngaihthlak a ni. Inrinnah Bial chhunga Kohhran hrang hrangte atangin music tel lovin solfa hla KHB 575“ Dam lai thlipui a ral hunah chuan” tih leh lengkhawm “ Aw vanthli kan ngai em che” tih hla hmang te’n intihsiakna an neia, Intihsiakna hla bakah thiam tlan hla atan solfa hla KHB 448 “Chhandamtu hmangaihna leh chhanhimna” tih hla hmang leh Lengkhawm zai “Phungrual an tin a nga” tih hman a ni.

Inkhawm apiangin kohhran tin atangin malzai bakah BKHP leh BMP te’n zaia rawngbawlna hun an hmang ziaha, heng bakah hian Lawngtlai Area Choir, Lawngtlai South Pastor Bial zaipawl te’n zaia rawngbawlna hun an hmang bawk. Zaipawl intihsiak leh zaikutpui hi Pathianni zanah an tawp dawn a ni.

Lawngtlai Bazar Kohhranah Worship committee buatsaih training neih a ni.

June ni 7&8, 2025 (Inrinni leh Pahianni) khan Lawngtlai Bazar Worship Committee te chuan Pu David Lalremruata Worship trainer resource person a hmangin training an nei.

Irinni nileng leh Pathianni chawhnuah resource person hian training neih puiin training-ah hian Zai hruai, khuangvuak leh hla hril dante inzirtirna neiin hun a hmanpui. Kal khawm te’n nuam an tiin hun hlawk thlak tak an hmang

Inrinni zan leh Pathiannini zanah Pathian thuchah sawiin, resources Person hi Tv. C. Lalramchhana Lunglawn East a tawiawm a ni.