Vawiin, November 18, 2024  khan Lunglei DC kal chhuak tur Pu R. Lalthazuala chuan BCM Office a  tlawh a. DC hi Pu James Miahlung, Addl. DC leh office staff thenkhatin an tawiawm a ni.

General Secretary Rev. Dr. R. Lalbiakliana , Rev. Vanlalmuankima, Director Pastoral Ministry Department leh Rev. L. Vanlalsanga, Director Education & R&D ten lo dawngsawngin, General Secretary Office ah inkawmhona an nei a. BCM dinhmun leh hmalakna hrang hrang lo hrilhin, Office hmunhmate an tlawh kual pui bawk. 

Lunglei DC hian kumina BCM charity programme a thlen hmaa Lunglei a chhuahsan dawn avangin, BCM charity Fund atan General Secretary hnenah Rs 50,000/- a hlan a, General Secretary Rev. Dr. R. Lalbiakliana chuan lawmthu sawiin, DC chhuak mai tur chu a kal zelna turah duhsakna a hlan.

Lunglei DC Pu. R Lalthazuala hian amah thlaktu tur hnenah Dt 22.11.2024 Zirtawpni khian charge a hlan tawh dawn a ni.