Lungsen Pastor Bial-ah Sunday School Seminar leh Tleirawl Meet neih a ni.

By Communications Dept.BCM

 

April ni 13 leh ni 14, 2024 hmang khan Lungsen Pastor Bial chuan BCM Biak In, Lungsen-ah Sunday School Training leh Tleirawl Pual Meet an nei a. Inrinni nilengin Sunday School zirtirtute leh Sunday School puipate pualin Biak In Hall-ah Sunday School Training hi neih a ni a, Upa HS Lalhmingthanga’n zirtirna a pe a, Bial chhunga Sunday School zirtirtu leh puipate mi 40 chuang an kal.

Hetih lai hian Biak in lamah Tleirawl leh rawlthar (Baptisma, Intermediate leh Senior ‘A’ zirlai te) pualin Tleirawl Meet neih a ni bawk a. Nl. Lalhmingmawii Chongthu-in tleirawlte tana hriat tur pawimawh  zirtirin hun a hmang a, Bial chhunga Kohhran hrang hrang atangin mi 73 an kal khawm a ni.

Upa HS Lalhmingthanga hian inrini zan, Pathianni zing leh Pathianni zanah te Lungsen khaw chhunga Kohhran pathum - Mahanaim, Lungsen leh Venglai Lungsen-ah te thuchah sawiin hun a hmang a. Pathianni chawhnu-ah BCM Biak In, Lungsen-ah Bial pum huapin inpawlhona neih a ni bawk.

 

BCM Accounts Internal Audit zawh fel a ni

BCM Accounts Internal Audit zawh fel a ni

Tunkar Thawhtanni, April 22, 2024 atang khan Headquarters Area te, Lawngtlai Area leh Aizawl Area –a Office hrang hrang leh zirna in, mission school telin, account audit a ni a, vawiin khan tluang takin an zo fel …

BES – Serkawn Zirtirtute pualin Refresher Course Training ni khat awh neih a ni.

BES – Serkawn Zirtirtute pualin Refresher Course Training ni khat awh neih a ni.

April 26, 2024 (Zirtawpni) khan Baptist English School, Serkawn-a Zirtirtute chuan ni khat awh intuaitharna (Refresher Course Training) an nei a. Chawhma dar 10:00 ah hun khatna tan in Principal Pi C. Lalawmpuii’n a kaihruai a, Lalrinawma Pautu in Pathian hnena inkawltirna hun serh a hman zawhah  – Pi Lalrinpuii leh Pi Lalramhluni ten zirtirna neiin, Pi Lalrinpuii hian Primary leh Middle Section-a zirtirtute pualin hun a hmang a, Pi Lalramhluni’n KG leh Nursery Section te pualin zirtirna a nei. …

Pastor Bial hrang hrang- ah KNP Inkhawmpui neih a ni.

Pastor Bial hrang hrang- ah KNP Inkhawmpui neih a ni.

Kan hriat theih chinah April 19-21, 2024 hmang khan heng Pastor Bial hrang hrangah te hian KNP Inkhawmpui an nei. …