August 17-18, 2024 (Inrinni leh Pathianni) hmang khan Mizoram Baptist Kohhran Hmeichhe Pawl (MBKHP) hruaitute chuan MBKHP hmalakna pakhat ‘Tlawh khat bial tlawh’ programme hmangin Bungtlang S Pastor Bial an tlawh a, MBKHP hruaitute - Asst.Secretary - Pi F. Lalawmpuii,  Treasurer - Pi V. Zothanbuangi leh Pi R. Lalhmangaihsangi, Executive Comt. Member te bakah Pu C. Lalrengpuia,         Chhawmdawlna In te an kal a ni. MBKHP hruaitute hian Bial chhung Kohhran tinah hun hmangin ‘Rawngbawlna’ tih thupuia hmangin thuchah ngaihthlak thin a ni.

Inrinni zanah BCM Biak In Zion, Bungtlang ‘S’-ah a huhova hun hmangin Pi F. Lalawmpuii Asst. Secretary-in thuchah a sawi a, Pathianni zing leh Pathianni zanah te Bial chhung Kohhran hrang hrangah kalna in siamremin hun an hman chhunzawm a, Bial chhunga Kohhran te an tlawh kim vek a ni. Pathianni chawhnu-ah Unit pathum te infinin BCM Bungtlang ‘S’ ah Inpawlhona neih a ni a, hetah hian Pi V, Zothanbuangi leh Pi R. Lalhmangaihsangi ten hun an hmang a. M.Kawnpui-a Kohhran pahnih te infinin BCM M.Kawnpuiah Inpawlhona hi nei bawkin Pi F. Lalawmpuii’n hun a hman chhunzawm a ni. Fellowship-ah hian Chhawmdawlna In te, Buhfaitham te, Loisi te sawiin, zawhna leh chhanna hunt e hman a ni a, BKHP chungchanga hriat tur tul te inzirtirna neih a ni bawk.

Bungtlang ‘S’ Pastor Bialah hian Kohhran 5 – Bungtlang ‘S’, Zion, Elim, M.Kawnpui leh Hermon Kohhran te an awm a, Bial pumah BKHP member 318 an awm mek a ni.