July 11, 2025, (Zirtawpni) khan Mizoram Baptist Mipa Pawl Executive Committee meeting chu BCM Ramthar Kohhran Committee Room-ah neih a ni.
Meeting-ah hian member-te an kal ṭha hle. Report hrang hrang, Secretary report, Treasurer report, Finance Secretary report leh Environment committee report te ngaihthlak a ni.
Treasurer report aṭanga a lan danin kumin chhungin Bial hrang hrang leh Unit ṭhenkhat aṭangin sum ₹25,79,867/- hmuh a ni tawh a, ₹6,16,972/- hman ral a nih tawh thu ngaihthlak a ni
Thurel langsar zualte.
1.India Mission Co-ordination Committee (IMCC) buatsaih India Mission Summit 2025, September ni 30 aṭanga October ni 3, 2025 chhunga Dimapur, Nagaland-a neih tura MBMP aiawha Palai turin Pu Lalnunsanga Pachuau, Treasurer, MBMP ruat a nih thute.
2.MBMP inkhawmpui 2026 dawltu tur BMP South Vanlaiphai Bial hnenah Inkhawmpui dawltu ṭanpuina sum ₹ 18,00,000/-(Nuai sawmpariat) pek leh phawt nise. Pawisa pek pah hian July ni 20, 2025, Pathianni hmanga tlawh nghal tum a ni.
3.BMP Day thawhlawm aṭangin MBMP rorelin a lo pass tawh Christian Hospital Lawngtlai tih changtlunna tur, Colonoscopy (Mawng lam aṭanga kawchhung enna) lei nise a tih chu cheng ₹8,00,000/-(Nuai riat) bawr vel ni tura rin a ni a, hei hi OB ten lo bawhzui nise tih a ni bawk.
4. MBMP Inkhawmpui 2026 Programme draft Inkhawmpui Programme committee-in an siam chu thlirho a ni a, a tlangpuiin pawm a ni a, siam rem ngai leh tihbelh ṭul laite sawiho niin a ṭul angin la thlir nawn leh tura tih a ni.Tin, inkhawmpui hla bu siam leh ni se tih a ni bawk.
5. MBMP inkhawmpui 2029 thlen/dawl duh tan dilna hun hawn ni se tih a ni.
6. MBMP Rorel 2027 thlen dilna Bial 3 aṭanga lut chu ngaihtuah a ni a, MBMP Rorel 2027 chu BMP Thenzawl bialah nghah nise tih a ni.
7. Ruihhlo do kawnga hmalak dan tur ngaihtuah leh niin Tuna Unit tinin zir tura ruahmanna awm mek hi Unit tinin ṭha takin zir phawt ni se, chu mi hnu lamah chuan a ṭul anga la ngaihtuah leh ni se tia thu dah a ni bawk.
