Mizoram Baptist Mipa Pawl (MBMP) hruaitute chuan MBMP Inkhawmpui 2026 dawltu tur BMP, South Vanlaiphai bial chu July 20, 2025 Pathianni hmangin an tlawh.
MBMP aṭangin President- Chawngrolura Chongthu, Secretary-Rev. H. Lalfakzuala, Finance Secretary-Pu Vanlalpeka, Senior Adviser-Upa RL. Thianghlima leh Executive committee memberte- Pu Thangliana, Pu F. Zokhuma, Pu PC. Ramdinliana, Pu PC. Lalngaihsanga leh Rbt. Lalnunsanga Zadeng leh Rbt. HC. Lalhruaithanga te an kal.
Pathianni zing inkhawmah South Vanlaiphaia kohhran 5-ah inṭhendarhin Kohhranhote inkhawmpui thleng tura fuihna hun an hmang. BCM Sikul vengah Rbt. Chawngrolura chongthu, BCM Vanlaiphai-ah Rev. H.Lalfakzuala, BCM Ariel-ah Pu Vanlalpeka, BCM Vengpui-ah Rbt. ZD. Lalnunsanga leh BCM Bethel-ah Upa RL. Thianghlima te’n hun an hmang a ni.
Chawhnu lamah inpawlhona Bial leh Unit BMP te nen an neia, Inkhawmpui dawlna kawnga thil ṭul leh pawimawhte an sawiho.
MBMP hruaitute hian Inkhawmpui dawltu ṭanpuina ₹18,00,000/-(Nuai sawmpariat) chu Inkhawmpui Organising Committee kutah an hlan nghal bawk.A hmaa Nuai 10 an lo pek tawh nen ti hian Nuai 28 an pekna a ni. A vaiin Inkhawmpui dawl na'n hian Cheng nuai 42 pek an tum a ni.
