South Vanlaiphai Pastor Bial MBMP Inkhawmpui Organising Commttee-te chuan kum 2026-a MBMP Inkhawmpui an dawl tur inbuatsaihna hrang hrangte thlirin June 28, 2025 (Inrinni) khan South Vanlaiphai Pastor Bial Committee Room-ah Meeting an nei.
Meeting hi Upa R. Lalrinliana Organising Committee Chairman in kaihruaiin member 17 te’n ro an rel a.
Organising Committee Secretary Rbt. C. Lalrochunga hnen atangin report ngaihthlak a ni a, Organising Committee aiawha OB te thu bawhzui dan hrang hrangte ngaihthlak a ni a, OB te hi inkhawmpui tur pual hian Hnahthial-ah leh Aizawl-ahte an zin chhuak tawh a, hmalakna hrang hrang chu, atakin an kalpui Ε£an a ni.
thurel thenkhatte:
1. Organising Commitee hnuaiah hian Sub-committee 12 a awm a, an Plan & Budget leh Action Plan te thlirin an pawmpui.
2. MBMP Inkhawmpui dawl tur pualin hun remchang hmasa berah South Vanlaiphai khaw chhunga Tualchhung Kohhran hrang hrang Chairman leh Secy te, VC leh NGOs OB te kokhawmin inhmuhkhawmna neih ni se, inbuatsaih tawh dan leh inbuatsaih zel dan turte inkawhhmuh a inrawnkhawm nise tih a ni.
3. MBMP Inkhawmpui pualin Hnahthial thlen hma, Tuipui peng, South Vanlaiphai panna peng thuamah Thuziak (Hoarding) tar nise tih a ni bawk.
4. Tin, He meetingah hian, Inkhawmpui an dawl dawn avangin MBMP lam hruaitute ah pawh beiseina sang tak an neih thute sawi rik a ni a, Inkhawmpui dawltu tanpuina sum leh pai pek leh hlan thuah leh, ngaihsak thuah tun aia chak zawka hma an lak an beisei thu te, hun remchangah MBMP hruaitute nen hun hmangho turin South Vanlaiphai ah lokal tura beisei ni se tih te an rel a ni.
Kan lo puan tawh thin angin, Nakum February 13-15, 2026 chhung hian Mizoram Baptist Mipa Pawl Inkhawmpui Vawi 2-na chu 'Khawvel mamawh Isua Krista' tih thupuia hmangin South Vanlaiphai Pastor Bialin South Vanlaiphai-ah an dawl dawn a, inbuatsaihna chak takin an kalpui mek a ni.
