February 13-15 , 2026 chhug hian Mizoram Baptist Mipa Pawl (MBMP) te chuan “Khawvel mamawh Isua Krista” tih thupui hmangin inkhawmpui vawi hnihna leh rorel vawi nga na  chu S. Vanlaiphai-ah an nei.

Inkhawmpui tan zan Zirtawp zanah Pu Thangliana Secretary, ECM, MBMP in inkhawm a kaihruai a, S. Vanlaiphai Bial te’n Opening Act neiin, Rev. K. Lalnunsanga Director, Fellowship Department chuan Inkhawmpui hawnna leh Pathian hnena hlanna a nei. Rbt. R. Liankunga Vice President, MBMP-in Palai lawmna hun a hmangin, Rev. H. Lalfakzuala Secretary, MBMP hnen atangin Inkhawmpui chhunga hriat tur pawimawh hrang hrangte ngaihthlak a ni.

Rbt. Chawngrolura Chawngthu, President MBMP-in ‘Isua Krista Thlamuana leh hahchawlhna’ tih hmangin thuchah ngaihnawm tak a sawi a, zaia rawngbawlna VL. Rosanga Ralte BMP Moria, Rahsiveng Bial hnen atangin ngaih thlak a nih bawkah Bial Zaipawl hrang hrangte atangin zai ngaihthlak a ni bawk

Inrinni-ah BCM Biak In, Sikul Veng-ah rorel leh inthlanna neih a ni a,  Rorel hi Rbt. Chawngrolura President MBMP—in a kai hruai a, pathian hnenah inkawltirna a neih hnuin Rev. H. Lalfakzuala secretary, MBMP-in report tlangpui leh Agenda sawifiahna a nei. Kum 2026-2029 atana Office Bearer thlan tharna neih nghal a ni:

Thurel tlangpui te:

1. MBMP AW chhuah chhunzawm zel ni rawh se.
2. Kum 2029 Inkhawmpui pual atan Unit member tinah Rs. 50 khawn leh Unit tinah vawikhat fehchhuah/ thehkhawm neih
3. Kum 2029 Inkhawmpui a Missionary chah chhuah

1. Christian Hospital Pual-
   1. Christian hospital serkawn leh Lawngtlaiah Poor Patient Fund pek nise
   2. Christian Hospital, Serkawn leh Christian Hospital, Lawngtlai pualin Unit tinin thehkhawm  vawi khat neih ni se.                                 
   3. Christian hospital serkawn a laboratory tih changtlunna atan unit tih fehchhuahna nei  rawtna                                                               
   4. Christian Hospital Serkawn tan Laundry washing machine lei nan MBMP in hma lak nise                                                                                      
2. Half way home din nise, Asslembly-ah ngaihtuah tur  anih avangin Assembly thu chhuak ngaihchan nise tih a ni.
3. AICS Hostel Renovate na turin sum dah nise

1. Ruihhlo Do Chungchang
   1.    BMP ten rampum huap ruihhlo do neih nise                      
   2.    Ruihlo do kawngah MBMP tun aia nasa zawka hmalak rawtna
   3.    Ruihloa in hnamhnawihte chhanchhuah an nih theih nan MBMP in hma la rawh se.                                                           
   4.    Ruihhlo do kawngah MBMP in hma lak chhunzawm zel ni rawh se                                                                                                        
   5. MBMP-in ruihlo ngaite chhanchhuahna kawngah theihtawpin hma lak ve ni rawh se                                                                          
   6.  Pastor Bial huapa Ruihhlo do chungchang leh Ruihhlo that lohzia inzirtirna   (Seminar/Awareness campaign) neih ni se.         
2. Evironment humhalh chungchang
   1. Environment humhalh chungchangah tun aia nasa zawkin hma lak nise
   2. MBMP hian Environment humhalh kawnga, a hma lakna chhunzawm zel nise                                                                                             
   3. MBMP Hmalaknain tui hna humhalh leh tuihna tihpun kawnga hmalak
   4. Faina kawnga hmalak
3.  MBMP hruaituten Hmar lam pang Bial leh Unit BMP te tlawh tam ve se
4. Zuk leh hmuam leh ruihlo dona kawngah MBMP hian hmalak chhunzawm ni rawh se. 

Kum 2026-2029 atana Office Bearer thlan thar te chu:

Kum 2026-2029 atana Office Bearer thlan thar te chu:

President                   :           Rev. V. Lalzarliana, Chanmari Pastor Bial (Fellowship Department ruat)

Vice President          :           Pu. PC. Ramdinliana    (BCM Theiriat)

Secretary                   :           Rev. H. Lalfakzuala  (Pastoral Committee ruat)

Assistant Secretary  :          Pu H. Lalrammawia  (BCM Salem)

Treasurer                   :          Pu C. Lalthaliana  (BCM Pukpui)

Finance Secretary    :           Pu PC. Lalngaihsanga  (BCM Rahsiveng)

Senior Adviser         :          Upa C. Vanlalmuana, BCM Ramzotlang (Fellowship Department ruat)

Senior Adviser         :          Upa K. Lalthanmawia,  Zobawk ‘S’ Bial (Fellowship Department ruat)

Mizoram Baptist Mipa Pawl dinhmun tlangpui:

Mizoram Baptist Mipa Pawl (MBMP) hi tunah hian Pastor Bial 81-ah Bial BMP din a ni a, Unit 351 an awmin, member 16,846 an awm mek a ni. Aizawl Area huam chhungah Pastor Bial 29-ah Bial 2-ah Unit din a ni a, Tualchhung kohhran 185-ah BMP Unit 103 an awm mek a ni. Lawngtlai Area hi 8th January, 2022-ah din niin, tunah hian Pastor Bial 20-ah Bial BMP 17 din tawh a ni a, Unit BMP 77 ding mekin, member zawng zawng hi 2677 an ni.

Kum 2024-2025 chhung khan  BMP member boral 725 an awm a ni.