#Pangzawl Pastor Bial  chuan May ni 3 - 5 hmang khan “Chanchin ṭha hi hril rawh u” (Marka 16:15) thupuia hmangin BCM Biak In, Ramrikawn, Pangzawl-ah  Mission Convention an nei. Speaker-ah Dr. R. Lalthanmawia, AGS-Mission hman a ni.

Convention chhung hian zan lam leh Pathianni zing-ah te Pathian Biak Inkhawm neiin, Speaker hnen atangin thuchah ngaihthlak thin a ni a. Bial leh Kohran hrang hrang zaipawl te, BMP leh BKHP Zaipawl ten fakna hla remin hlung takin Convention hi an hmang a, Pathianni chawhnu-ah Mission pualin inpawlhona neih a ni a, Mission rawngbawlna report te ngaihtla-in zawhna leh chhanna te hman a ni bawk.

#Thenzawl Pastor Bial pawhin hemi hun chhung vêk hian BCM Biak In, Bethlehem; Thenzawl-ah  Mission Convention an nei a. Speaker-ah Rev. Dr. Andrew Lalhmangaiha, Associate Professor, AICS hmang-in thupuiah Marka 16:15 thu  “Chanchin ṭha hi hril rawh u” tih an hmang bawk.

Inrinni zan Pathianni zing, Pathianni zanah te Pathian Biak Inkhawm neiin Speaker hnen atangin thuchah ngaihthlak thin a ni a, Inkhawm apiangin Bial Zaipawl te rawngbawlna bakah Tualchhung Kohhran hrang hrang atangin Kohhran Zaipawl ten zaia rawngbawlna an nei bawk. Pathianni chawhnu-ah Mission pualin Seminar neih a ni a, Resource person-ah Speaker hman niin, Powerpoint Presentation hamngin Mission rawngbawlnaa BCM dinhmun leh hmalak a tulna te zirho a ni bawk.