May ni 10 -12 hmang khan Mission Department-a hruaitute chu Pastor bial leh Tualchhung Kohhran hrang hrangah Mission Convention  Speaker-ah tangin hetiang hian an feh chhuak.

#Rev. Dr. R. Lalthanmawia, AGS-Mission chuan Lungrang Pastor Bial Mission convention, BCM Biak In, Lungrang South-ah hmangin, Inrinni zan atangin Pathianni zan thleng hun an hmang a. Bial chhunga Kohhran hrang hrang atangin he convention hmang hian an lo kal khawm a ni. Inkhawm apiangin Speaker hnen atangin thuchah leh Bial Zaipawl te, Tualchhung Kohhran hrang hrang Zaipawl ten zaia rawngbawlna an nei bawk. Pathianni chawhnu-ah Mission rawngbawlnaa BCM dinhmun leh hmalak a tulna te zirho-in zawhna leh chhanna neih a ni bawk.

#Rev.Lalremsiama Ralte, Mission Director chuan BCM Sethlunah Zirtawp zan atanga tannin Mission Convention hi a hmanpui a,  Zirtawp zan, Inrinni zan Pathianni zing, Pathianni zanah te Pathian Biak Inkhawm neiin Speaker hnen atangin thuchah ngaihthlak thin a ni a, Inkhawm apiangin Bial Zaipawl te rawngbawlna bakah Tualchhung Kohhran Zaipawl ten zaia rawngbawlna an nei bawk. Pathianni chawhnu-ah Mission rawngbawlnaa BCM dinhmun leh hmalak a tulna te zirho-in zawhna leh chhanna hun te hman a ni bawk.