Mission Field Accounts Audit neih mek  a ni.

 

May 8, 2024 khan Mission Field Account audit tura ruat - Upa R. Lalbiakmuana, Account Officer, Pu H. Lalhuzauva, Account Officer, Tv. Laldinliana, Cashier, Upa B. leh Sangmawia te  chu Kolkatta Region leh Guwahati Region hnuaia Mission Field leh School hrang hrangte Accounts Audit turin an chhuak a, Guwahati-ah hian Rbt Joseph Lalnunzira'an lo zawmin, May 9 (Ningani) atang khan Baptist House, Kolkata-ah Audit- hna an tan nghal a ni.

Tun tumah hian Kolkata Region hnuaia Mission Field te accounts bakah Regional Office leh Budget nei School te accounts audit a ni a. Heng Mission Field Director te leh Mission School Headmaster/Principal te hian Kolkata an pan khawm a ni.

Kolkata Region Accounts te hi vawiin, May 10 hian zawh hman an in beisei a, an zawh veleh Guwahati Region hnuaia Mission Field te leh Zirna in hrang hrang te Accounts an audit leh nghal ang, Field Director te leh Principal leh School Headmaster te Guwahati-a kal khawmin, Audit hi an nei leh dawn a ni.

BCM Headquarters Accounts leh Department hrang hrang te Accounts chu April thla tawp lam khan Audit zawh fel a lo ni tawh a. Executive Secretary, Aizawl leh Lawngtlai te accounts pawh audit zawh ni tawh bawk.  Internel Audit hi an zawh fel hunah BCM Accounts pumpui chu Chartered Accountans ten an rawn audit leh dawn a ni.  

India Mission Association – Global Mission Summit leh Conference neih a ni

India Mission Association – Global Mission Summit leh Conference neih a ni

India Missions Association buatsaihin Zarkawt Prebyterian Kohhan Biak-inah-ah Global Mission Summit – 2024 chu June 11, 2024(Thawhlehni) zan atang khan neih tan a ni a.  Summit thupuiah II Korinth 10:16 thu “ in ram piah lamah pawh Chanchin Ṭha chu kan la hril zêl ang” tih thu hman a ni. He Summit ah hian Mizoram Baptist Kohhran aiawhin AGS-Mission - Rev. Dr. R. Lalthanmawia leh Mission Director Rev. Lalremsiama Ralte te an tel a, IMA Committee member ni lai Pastor te leh Kohhran Upa engemawzat an tel bawk a ni.  Global Mission Summit hi June 14, 2024 (Zirtawp) zah an tiak ang. …

Phawngpui West pastor Bial TKP ten Fakna Inkhawmpui an nei

Phawngpui West pastor Bial TKP ten Fakna Inkhawmpui an nei

Thalai Kristian pawl, Phawngpui West Pastor Bial chuan May 7-9, 2024 hmang khan BCM Biak In, Vartek-ah - Sam No. 103:1 thu – “Aw ka nunna Lalpa chu fak la” tih thupui hmangin Fakna Inkhawmpui an nei a. Speaker-ah Rev. Lallianmawia, Bialtu pastor an hmang. He Fakn Inkhawmpui hi Lawngtlai Area Baptist Choir te, zaithiam Nl. KC Vanlalzami (Aizawl), Tv. R. Laldinpuia (Lawngtlai), Tv. Francis HC Zorammuana (Lawngtlai) leh Nl. LP Zairimawii (Lawngtlai)  ten zaia rawngbawlin an hmanpui a ni. …

Pangzawl pastor bial-ah Upa leh rawngbawltu Seminar neih a ni.

Pangzawl pastor bial-ah Upa leh rawngbawltu Seminar neih a ni.

June ni 8, 2024, Inrinni khan Pangzawl pastor bial rorel thu pass tihlawhtlingin Kohhran upa leh Rawngbawltute pualin seminar neih a ni. Seminar ah hian Rev. PC. Lalmuankima, bialtu pastor chu resource person niin, hruaitu tha nih theih nana pawimawh hrang hrang, Kohhran chawm nana pawimawh hrang hrang, thuhril rawngbawl hna thawhna kawnga inbuatsaih dan tur te zirho niin, sawiho tura chhawp chhuah hrang hrang te sawi ho a ni bawk. …