Christian Hospital Serkawnin Mizoram Universal Health Care Scheme (MUHCS) zawm leh zawm loh chungah Hospital Management Committee in Committee sang zawka thlen tura, a rel bawhzuina kal zelah nimin April 22, 2025, Thawhlehni chawhnu dar 2:00 khan BCM Headquarters Office, Committee Room No.1-ah BCM Puipate, Medical & Health Director, Senior Doctor-te leh Mizoram Health Care hotute chu Mizoram Universal Health Care Scheme (MUHCS) chung chang sawi hovin an thukhawm.
Meeting-ah hian MUHCS chung changa hriat tur pawimawh hrang hrangte sawiho a nih bakah, harsatna awm thei hrang hrangte, mipui tana hamthatna awm thei hrang hrangte sawiho a ni bawk. Hriatchian loh leh hriat belh ngai ang te pawh zawhna leh chhanna hun awmin, Mizoram Health Care lam atanga lo kalte hian an chhang a ni.
Meeting chuan Committee sang zawkah BCM in Mizoram Universal Health Care Scheme (MUHCS) hi a zawm dawn leh zawm dawn loh thlen nise a lo tih chu Vawiin Chawhma dar 11:00 khan BCM Headquarters Meeting room No 1-a BCM Administrative Committee thukhawm chuan Mizoram Universal Health Care Scheme (MUHCS) hi zawm ni se, He mi lo bawh zuia hma la tur hian Hospital Management Committee kuta awm se tiin a rel a ni.
