February 3 leh ni 4 hmang khan ศKP Kanhmun Pastor Bial Inkhawmpui Vawi 7 -na chu BCM Biak In, Kanhmuna ah neih a ni a. Inkhawmpui Thupui-ah 'Pathian hmangaihna ' tih thu hmangin MTKP President Upa R.Lalrochama chu Speaker-ah an hmang. President bakah hian MTKP hruaitute - Executive Committee Member pahnih Pu K. Lalrintluanga leh Nl. Nancy Lalmuankimi ten hmanpuiin, Tv. H. Rosangliana, Moria Unit in zaia rawngbawlin a tawiawm bawk.
Inrinni-ah nilengin Bial TKP Rorel neih a ni a, Bial TKP hruaitu thlangin, kum 2024 atana Budget ruahman te an thlir ho a, Unit hrang hrang atanga agenda lut te an ngaihtuah bawk. Pathianni zan, Pathianni zing leh Pathianni zanahte Vantlang Inkhawm neiin Speaker thuchah bakah Bial leh Unit Zaipawlte, malzaite ngaihthlak thin a ni a, Pathianni zanah Inkhawmpui hlim takin an tiak ta a ni.
Kanhmun Pastor Bialah hian Tualchung Kohhran paruk dingin, TKP Unit 5 an awm a, Bial pumah TKP member 200 chuang hlek an awm a ni.
