#Pangzawl Pastor Bial  chuan BCM Biak In, Pangzawl Venghlun-ah Inkhawmpui vawi 35-na an nei a. Thupuiah  ‘Isua leh Naupangte’  tih hmangin Speaker-ah C. Lalhmachhuana, Manager, Audio Visual Production an hmang. Inrinni nilengin item hrang hrang entirin hun hman a ni a. Inrinni zan, Pathianni zing leh zan ah te inkhawmin, Pathinni chawhnu ah fellowship neih a ni bawk. Inkhawmpui ah hian bial chhung KNP unit 6 atangin naupang 400 vel an kal khawm a ni.

#Saitual Pastor Bial  chuan ‘Nun kawng dik’ tih thupuia hmangin BCM Biak In, Immanuel Saitual-ah Inkhawmpui hi an nei a, Speaker-ah Pi Ammie Lalnunpuii, KNP Leader's Trainer an hmang.

#Buarpui South Pastor Bial chuan “Naupangte leh tunlai khawvel’ tih thupui hmangin BCM Biak In, Immanuel, Buarpui-ah inkhawmpui an nei a, Speaker ah Tv. Lalramhluna Pachuau, KNP Leader's Trainer an hmang.

#Lunglawn Pastor Bial chuan BCM Biak In, Salem, Lunglei-ah ‘Isuan naupangte min ko’ tih thupuia hmangin inkhawmpui vawi 18-na an nei a. Speaker ah Bialtu Pastor Rev. Sangliankhuma Chinzah an hmang.

#Theiriat Pastor Bial chuan “Naupangte leh tunlai thilawmzia’ tih thupui hmangin BCM Biak In, Theiriat-ah inkhawmpui vawi 36-na an nei a, Speaker ah Tv. V. Zonunsanga, KNP Leader's Trainer an hmang.