April 12, Zirtawpni chawhma dar 11:00 khan Rev. Dr. HS Luaia hriatrengna atan a a tu leh faten Christian Hospital Serkawn-a inentir leh dam lote tana chawlhna (hulhliap) an buatsaih ‘Pastor Sawiluaia Chawlhbuk’ chu Rev. R. Lalbiakliana, General Secretary-in hawngin Pathian hnenah a hlan. Hawnna programme hi Upa, H. Lalnunsanga, Kanaan, Aizawl-in kaihruaiin, chhungkaw aiawhin thu a sawi nghal a, Rev. Dr. R. Lalthanmawia’n lawmthusawina leh malsawm tawngtaiin hun a khar a ni.

He Hulhliap sakna tur hian Rev. Dr. HS Luaia tupa Upa H. Lalnunsanga Hrahsel te nupa chu bul tan tu leh hma latu an ni a, Administrative Committee ah thlenin, Committee remtihna in hulhiap hi nikum lam atang khan sak tan a ni a, John Lalzawmliana Hrahsel chu he hulhiap sak enkawltu a ni a, chhungkaw sum thawhkhawm cheng nuai 3 leh sing 5 chuang sengin mawi leh tha taka sak zawh niin, damlo leh anmahni hruaitu te leh Serkawn damdawi in tlawhtu te ta hman tangkai turin hawn a ni ta a ni.