Assembly Rorel 2024 thu passed bawhzuiin Administrative Committee-in ruahmanna a siam angin September 7, 2024 (Inrinni) dar 11:00 am – 3:00 pm chhung hian Tualchhung Kohhran tinah Awmni Khamin Ram tana tawngtaina neih tur a ni a, Tualchhung Kohhran tin te he Ni hi urhsun taka hmang turin General Secertary chuan a chah a ni…. 

Tawngtai thupui leh hun hman dan tur hetiang hi a ni:-

TAWNGṬAI VAWI 1-NA (11:00 A.M - 11:30 AM)

1. India ram rorêltute tân, dik tak leh mipui hmakhaw ngaia ro an rêl theih nân
2. India ramah sakhaw zalênna a awm zêl theih nân.
3. Sakhuana avânga innêk chêpna, inendawngna leh tihduhdahna a reh tial tial theih nân
4. Mi retheite châwikâna an lo awm zêl theih nân.
5. India ram State hrang hranga rorêltu Chief Minister-te leh MLA-te tân. Anmahni State- ah mipui hamthatna tûra ro an rêl ngei theih nân.

TAWNGṬAI VAWI-2-NA (11:30 A.M – 12:00 P.M)

1. Mizorama rorêltute (Ministry) tân, Mizoram tâna tha ber tûra thinlung hmun khat pûa ro an rêl theih nân.
2. Chief Minister tân. Sawrkâr hotu ber a ni a, a duh dân leh ngaih dânin awmze thui tak a nei a, ram hmangaihna tak tak nên, ram hnuk siam tûra Ministry leh ram a kaihhruai theih nân.
3. Minister hi 7 kan nei a, an chanvo-ah an lal hle. Dikna leh ram hmasâwnna tak tak rilru pua ram an hruai theih nân.
4. Minister of State hi 4 kan nei a. Mawhphurhna bîk  chanvo  pêk  an  ni. An  chanvo leh mawhphurhna-ah ram tân tihtakzeta an thawh theih nân.
5. A bâk zawng MLA 28 kan nei a, thenkhat chu mawhphurhna sâng tak tak pêk an ni. An bial mipuite ngaihsakna tak tak nên ram an hruai theih nân.
6. Kan MLA 40 te hi kan rama eirûkna tibo tûra anmahni ngei an fihlîm theih nân leh eirûkna laka ram an vênhim ngei theih nân.

TAWNGṬAI VAWI 3-NA (12:00 P.M – 12:30 P.M)

1. Ruihhlovin a tihbuai ngawlveite, ruihtheih thil ti thînten an lo sim theih nân.
2. Pathian leh khawtlâng pawh zah zo tawh lo, mahni mihringpuite chhiatna tûra ruihhlo zuartute, hlâwkna ringawt ûm lova an an bânsan ngei theih nân.
3. Ruihhlo la ti lo naupang leh tleirâwl/râwltharte ruihhlo laka vênhim an nih ngei theih nân.
4. Chhûngkaw inrebâwlna fel leh ruihhlo laka kan fihlîm theih nân, chhûngkua  leh fanau enkawl pawimawhzia kan than harhpuia, tan kan lâk leh zual sauh theih nân.
5. HIV/AIDS natna tihbaiawm vei mêktute tân, Pathian tanpuina an dawn ngei theih nân.
6. Kan rama ruhhlo ngai te, HIV/AIDS natna vei te enkawltu Home hrang hrangte leh helama mimal leh Kohhran, rawngbâwl mektute tân.

CHHÛN CHAWLH (12:30 P.M - 1:00 P.M)

TAWNGṬAI VAWI 4-NA (1:00 P.M - 1:30 P.M)

1. Mizoram District hranga hranga Deputy Commissioner-te tân. Dân leh thupêk (Law & Order) fel taka an kalpui theih nân leh an District theuh thataka an enkawl theih nân.
2. Aizawl Municipal Corporation (AMC) leh Lunglei Municipal Council (LMC) te tân, Mipui hrêk bet zâwng leh tichêp zâwnga ro rêl lohva, tha taka ro an rêl zâwk theih nân.
3. Department hrang hranga Officers (bureaucrat) te tân; Hêng ho hi ram hruainaa a hnuk pawimawh tak an ni a, finna leh rem hriatna an neih a, eirûkna lakahte pawh an fihlîm theih nân.
4. Khawtina Village Council Memberte tân. A khawtlâng Development fund an dawnte rinawm leh dik taka hmanga, hna an thawh theih nân leh khawtlang rorêl fel taka an kalpui theih nân.
5. Sawrkâr Department hrang hranga Clerk (Clerical work) hna thawktute tân. Hêngho hi file ûmzuitu ber an ni a, mipui tân bahlahna siam lova rinawm leh file ti tâng reng lova chak taka hna an thawh ngei theih nân.
6. Sawrkâr Office-a Fourth Grade hna thawk zawng zawngte tân. Office fai thu leh thianghlim thuah te, vênhim thu leh kawng hrang hrangah duhdah lova, an hna an thawh tlat theih nân.

TAWNGṬAI VAWI 5-NA (1:30 P.M - 2:00 P.M)

1. Kut hnathawktute tân. Rinawm leh taima taka hna an thawh theih nân. Hrisêlna tha an neih theih nân. Mizoram mamawh tâwk leh thawn chhuah tham hial an thar/vulh/siam chhuah theih nân.
2. Sumdâwngtute (Business workers) tân. Thianghlim leh mâwi taka an sum dâwn a, thil man dik leh mâwi tâwka an chhiar theih nân.
3. Contractor te tân. Development hna leh mipui tâna an hnathawh te endik tlâk leh hlêp uchuak neih tum lova ram tân an thawh theih nân. Contract hna thawk peih lova an hralh mai mai loh nân.
4. Mipuite vênghimtu leh dân leh thupêk hmangtu Police Department leh Excise & Narcotics Department te tân. Thamna leh zû le sa laka fihlîma dik leh fel taka mipui tân an thawh theih nân.

TAWNGTAI ṬAWI 6-NA (2:00 P.M - 2:30 P.M)

1. Mipuiten rilru dik, mahni ram leh hnam duatna leh hmangaihna rilru kan neih theih nân.
2. Kan thing leh mau, lui leh boruak te, vantlâng thil te tichhe zâwng ni lova,neitu rilru pûa, humhalh a, vênghimtu, kan nih theuh theih nân.
3. Bawlhhlawh paih mai mai lova, a paihna hmun bîka paih tlattu, kan ram khawtlâng faina leh thianghlimna vawngtu mipui kan nih theih nân.
4. Kan rama tlâwmngai pâwlte (NGO): YMA, YLA, MTP, MHIP, MCHP, LWA, MUP, LUP, MZP, MSU, MZI, ZDU te leh a dangte tân. Ram leh hnam tân tak tak Pathian zah tak chunga pâwl an kalpui theih nân.
5. Kan rama Kohhran hrang hrangten inpumkhatna leh thawh hona tha, inhriat thiamna kan neih zêl theih nân.

TAWNGṬAI VAWI 7-NA (DÂR 2:30 - 3:00PM)

1. Mi tinten, mahni hlâwkna leh hamthatna chauh ngaihtuah lova, kan ram leh hnam hmangaihna leh siam thatna rilru tak tak kan put chhoh zêl theih nân.
2. Zirlai ten kan ram leh hnam tân, khawvêl el phaa thiamna tak tak nei tûra lehkha an zir peih ngei theih nân.
3. A bâk subject dang chu kal khâwmte’n thawh khâwm ni se.

Rampum huap Chawnghei Tawngtai Programme (PDF)