February 28 (Ningani) khan R&D hnuaia Self Help Group hrang hrangte pualin group management leh la phiar Training, R&D Training Centre, Ramzotlangah neih a ni. He trainingah hian Lunglei Area-a Self Help Group tin aiawhin Secretary bakah member pahnih theuh an kal.
Training hi chawhma dar 10:00 –ah tan in Rev. R. Lalnunzira, AGS –Service-in Pathian hnena inkawltirna leh Training hlanna neiin, fuihna thuchah tawi a sawi a, Nl. T. Lalfawnveli, Asst. Coordinator, R&D-in inhmelhriatirna a nei a, Pu. Lalrinawma, Coordinator R&D in Group inenkawlna leh inkaihhruaina chungchang a sawi. Hemi zawh hian, Laphiar Training neih zui nghal a ni a, Pi Lalrokimi, Zotlang-in zirtirna a pe a. Traininghun hman zawh hian Rev. L. Vanlalsanga, Director-in Tawngtai leh malsawmna-in Training hi a khar a ni.
R&D hian Thalaite leh Hmeichhia te hmasawnna turin Project hrang hrang a kalpui thin a. Self Help Group siamin eizawnna nghet an neih theih nan thiam thil chi hrang hrang bakah - ei siam, pa khawi, pangpar khawi leh cake siam training te an neihpui thin a ni. Tun dinhmunah R&D hnuaiah hian Self Healp Group 20 te mumal taka dingin kawng hrang hrangin hma an la chho mek a ni.
